KINOBAḺIAN 27:33 - Alkitab Singog In Mongondow Masa In Tanaa

³³ Noitaḻikokogdon totok in ki Ishak bo poḷat noḻibó, “Aka natua, dá ki inebí inta minayá notayak kon biag in kayuon tatua bo dinianea kon inakó koina? Ain kinaanku kon dodai in iko diápa noiangoi. Bo ain nomarakat kon inia, bo tanaa barakat tatua ain nobaḻí kapunyaannea inta mononoi.”

KINOBAḺIAN 27:33 ပူးပေါင်းရင်းမြစ်များ

KINOBAḺIAN 25:23

Ki Tuhan noguman kon inia, “Doyowa nobangusa nion kon bonu in sianmu; iko mopononggadí in bangusa doyowa inta mososaturuan; ai-ai in moropo-ropot nongkon guya-guyang inta guya-guyang mobaḻí bobantung in ai-ai.”

KINOBAḺIAN 27:35

Ki Ishak in noguman, “Ki ai-aimu ain namangoi in naa bo nonguboḷ kon inakó. Sia ain nogamá kon barakat inta sabanarnea ogoikubí kon inimu.”

KINOBAḺIAN 28:1

Onda intua ki Ishak nogoiní kon i Yakub, bodongka nomarakat kon inia poḷat noguman, “Donaaidon iko motonibuḷoi takin bobay in Kanaan.

AYUB 21:6

Aka raionkumai in kaadaanku naa mourot in akuoi sin moondok.

AYUB 37:1

Deḷang in nokopomuká kon ondok in ginaku bo putúku in modoḷodok.

MAZMUR 55:5

Ginaku totokbí in mokayow, popatoi inta mokokoningkim umuran moiḷabotmai kon inakó.

PINOGIAPAN 23:20

Akuoi in pinotabá momarakat; bo aka ki Allah in momarakat, yo diábí in motaau indoianku bui.

YOHANES 10:10

Mononakow tua in tongábí mamangoi monakow, moḻimod bo momoguyaat. Táe Akuoi in mamangoibí sinbá mosia in mokouḻí kon kobiagan, kobiagan inta mobayong totok in kasanangan.

SURAT I PAULUS KON JAMAAT RUM 11:29

Sin aka ki Allah momiḻí kon intau bo mobogoi in barakat kon intau tatua, yo diábí kon dodai in onda in Sia mogamá bui kon onu inta ain pinomia-Nea.

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

IBRANI 11:20

Popisí in oyúon doman in pirisaya, dá ki Ishak in nopodandi doman in barakat mita kon i Yakub bo kon i Esau kon soaḷ kobiagan monia kon singgai moiduduimai.