KINOBAḺIAN 27:31 - Alkitab Singog In Mongondow Masa In Tanaa

³¹ Sia nodungú doman kon ponoyá inta kinopira totok in nanamnea bodongka dinianea kon i amánea takin noguman, “Ḻitúdon, papa bo kaandon in ponoyá inta diniaku naa kon i papa, sinbá ki papa in momarakatdon kon inakó.”

KINOBAḺIAN 27:31 ပူးပေါင်းရင်းမြစ်များ

KINOBAḺIAN 27:14

Dá minayádon in ki Yakub nogamá kon bembé mita tatua bo dinianea kon i inánea, bo dinungúdon i Ribka podudui kon inta kinoibog i Ishak.

KINOBAḺIAN 27:19

Tubag i Yakub, “Ki Esau, ki adí i papa inta guya-guyang; koyow i papa aindon inaidanku. Ḻitúdon bo kaandon in ponoyá inta noaḷapku bo diniakudon tanaa, sinbá ki papa motaaudon momarakat kon inakó.”

KINOBAḺIAN 27:30

Naonda in ki Ishak bagu nopaḷut nomarakat kon i Yakub bo ki Yakub iḻumuai domandon, indoianmai ki Esau, ki guya-guyangnea, nobuidon nongkon tampat pinotayakannea kon biag in kayuon.

KINOBAḺIAN 27:4

Dungú kopiraan ná inta kinoibogku, bo diádon mangoi kon inakó. Bo naonda in mopaḷut mako akuoi mongaan, barakatanku in iko kon dodai in akuoi diápa matoi.”