KINOBAḺIAN 27:19 - Alkitab Singog In Mongondow Masa In Tanaa

¹⁹ Tubag i Yakub, “Ki Esau, ki adí i papa inta guya-guyang; koyow i papa aindon inaidanku. Ḻitúdon bo kaandon in ponoyá inta noaḷapku bo diniakudon tanaa, sinbá ki papa motaaudon momarakat kon inakó.”

KINOBAḺIAN 27:19 ပူးပေါင်းရင်းမြစ်များ

KINOBAḺIAN 25:25

Inta guya-guyang batangannea nopuya-puya bo kuḻitnea naonda bo jubah bobubuḷan. Tuamai sinangoian ki Esau.

KINOBAḺIAN 25:28

Ki Esau in kotabi-tabi i Ishak, sin sia in moibog totok mokaan kon ponoyá inta moaḷap kon kayuon. Táe ki Yakub in kotabi-tabi i Ribka.

KINOBAḺIAN 27:18

Nopaḷut mako tua ki Yakub in minayádon kon i amánea bo noguman, “Papa!” “Ya,” tubag i Ishak, “ki ine iko, ki Esau andeka ki Yakub?”

KINOBAḺIAN 27:21

Bo ki Ishak in noguman kon i Yakub, “Koḻigai kodiug magí sinbá motaauku kokapon. Bo kotaauankudon kon iko in ki Esau ki adíku ande deeman?”

KINOBAḺIAN 27:31

Sia nodungú doman kon ponoyá inta kinopira totok in nanamnea bodongka dinianea kon i amánea takin noguman, “Ḻitúdon, papa bo kaandon in ponoyá inta diniaku naa kon i papa, sinbá ki papa in momarakatdon kon inakó.”

KINOBAḺIAN 27:35

Ki Ishak in noguman, “Ki ai-aimu ain namangoi in naa bo nonguboḷ kon inakó. Sia ain nogamá kon barakat inta sabanarnea ogoikubí kon inimu.”

KINOBAḺIAN 27:4

Dungú kopiraan ná inta kinoibogku, bo diádon mangoi kon inakó. Bo naonda in mopaḷut mako akuoi mongaan, barakatanku in iko kon dodai in akuoi diápa matoi.”

KINOBAḺIAN 27:45

bo koḻionganneadon onu inta ain inaidanmu kon inia. Onda intua akuoi mopotabádon in intau modia mangoi kon inimu kon naa. Doíbí in akuoi kobuḻian i adíku doyowa kon wakutu inta moyododai.”

DATU MITA IMITÁNEA 13:18

Dá nabi nogoguyang inta nongkon Betel tatua in nonguboḷ kon inia, takin noguman, “Akuoi in nabibí doman ná Iko. Podudui doman in parenta i Tuhan malaekat tobatú ain nopotabá kon inakó monontomu kon inimu poḷat mogoḷud in kaanon kon baḷoiku.”

DATU MITA IMITÁNEA 14:2

Noguman in ki Yerobeam kon i buḷoinea, “Posadiadon sin mayá in Silo kon baḷoi in Nabi Ahia inta koḻipod noguman kon akuoi in mobaḻí datu in Israel. Táe tumon intau ibanea sinbá diá kotaauan in intau mongo ki ine in iko.

YESAYA 28:15

Moiko in noguman kon moiko ain nomia kon dodandian takin popatoi bo ain nomia kon yopakat takin dunia in intau minatoi. Notantúdon kon i monimu kon bodito inta moiduduimai in diábí moiantug kon inimu, sin moiko in momaké in akaḷ monimu pogoḻingoi kon awakmu.