KINOBAḺIAN 25:6 - Alkitab Singog In Mongondow Masa In Tanaa

⁶ táe kon dodai in sia nobiagpa nobarongbí doman in tombuinag inogoinea kon i adínea mita inta nongkon i buḷoinea ibanea. Onda intua pinotabáneadon in ki adínea mita tatua nomamping kon butá inta kon dotá in pomukaan kon Kanaan, sinbá yumayú kon i Ishak ki adínea.

KINOBAḺIAN 25:6 ပူးပေါင်းရင်းမြစ်များ

KINOBAḺIAN 16:3

Dá natua in nobaḻí, ki Sarai in nogamá kon i Hagar bo inogoi kon i Abram sin baḻíonnea buḷoi. Dodai intua ki Abram aindon mopuḷú notaong kon Kanaan.

KINOBAḺIAN 21:14

Nobangon monik doḷo-doḷom, ki Abraham nobogoi in kaanon bo botutu kuḻit binonuan in tubig sin baḷun monia kon daḷan. Pinopobabaneadon kon i Hagar in adí tatua, bodongka pinotabánea minayá in bobay tatua. Ki Hagar in nobuatdon bo minayá nongin padang gurun Bersyeba.

KINOBAḺIAN 25:1

Ki Abraham nonika bui takin bobay inta tangoinea ki Ketura.

KINOBAḺIAN 29:1

Ki Yakub nogingguput kon bobayánea bo minayá in butá inta kon dotá in pomukaan kon Kanaan.

KINOBAḺIAN 30:4

Bo inogoineadon ki Bilha kon i buḷoinea, bo ki Yakub nosiugdon noyotakin in bobantung tatua.

KINOBAḺIAN 30:9

Naonda in kinorasaanmai Lea kon sia diádon bui mokouḻí kon adí, dá inogoineadon in bobantungnea, ki Zilpa, inogoinea kon i Yakub sinbá pobuḷoionnea.

KINOBAḺIAN 32:22

Kon doḷom doman tua ki Yakub nobangon bo nodia kon i buḷoinea doyowa, bo kon buḷoinea doyowa inta bobantung bo ki adínea mopuḷú bomitá, iḷumoḷan kon Ongkag in Yabok.

KINOBAḺIAN 35:22

Kon tungkuḷ in mosia kon tampatpa tatua ki Ruben nosiugdon noyotakin i Bilha, ki buḷoi amánea inta bobantung tatua. Soaḷ tatua kinodongogan i Yakub, bo sia in totok sinumorú. Ki Yakub kogadí kon ḷoḷaki mopuḷú bodoyowá.

TAWARIKH 2 11:21

Ki Rehabeam in kobuḷoi kon mopuḷú bo waḷu bo pahang in onom nopuḷú, doyowa nopuḷú bo waḷu in adí ḷoḷaki bo onom nopuḷú in adí bobay. Kon sigad in bayongan i buḷoinea bo i pahangnea tatua, ki Maakha inta totok in kinotabinea.

AYUB 1:1

Kon butá in Us nogutun in ḷoḷaki tobatú tangoinea in ki Ayub. Sia in nosumba kon i Allah bo mosatia kon i-Nia. Sia in intau inta mopia in gina bo diábí nogaid kon onu inta moraat tongopiḻikmai.

AYUB 1:3

Koḻikud intua nobayong doman in atanea, dombanea in 7.000, unta in 3.000, sapi in 1.000, bo keledai in 500. Impoḷok mako in singog, sia tua in intau inta totok in nooyúon kon sigad in intau inta nogutun kon butá kon dotá in pomukaan.

MATIUS 5:45

aka moiko mogaid kon natua yo moiko in mobaḻí ki adí mita i Amámu inta kon soroga. Sin ki Allah in mobogoi mata in singgai-Nea kon intau moraat bo kon intau mopia bo Sia doman inta mobogoi in uyan kon intau inta mobanar bo kon intau inta mouboḷ.

OUMAN IN RASUL MITA 14:17

Táe umuran-Neabí poniata in totabi-Nea bo mobogoi kon onu inta mopia. Ogoian-Nea in uyan nongkon ḷangit bo hasil in butá kon musimnea. Umuran-Nea inogoian in kaanon in moiko bo pinosanang in gina monimu.”

HAKIM MITA 19:4

bo dinondouḷugannea sinbá sia diádon mobui. Tuamai, nogutundon in sia kon tua toḷu nosinggai bo nongaan bo nonginum bo nosiug kon tua takin i buḷoinea ibanea tatua.

HAKIM MITA 6:3

Apadoman pomuḷoi in intau monononggobá in Israel, mamangoidon in intau in Midian moyotakin intau in Amalek bo intau mita ibanea nongkon padang gurun bo monubu kon intau in Israel.