KINOBAḺIAN 25:34 - Alkitab Singog In Mongondow Masa In Tanaa

³⁴ Onda intua ki Yakub nobogoidon in roti kon inia bo berenebon doman tatua. Ki Esau nongaan bo nonginum bodongka minayá. Natuata in ki Esau nonganggap kon diábí in mangaḻenea in hak saḷaku adí guya-guyang tua.

KINOBAḺIAN 25:34 ပူးပေါင်းရင်းမြစ်များ

KINOBAḺIAN 25:29

Kon singgai tobatú tungkuḷ in ki Yakub yogot modungú kon kuyat berenebon, namangoidon in ki Esau nongkon tampat pinotayakannea kon biag in kayuon. Sia in ginogoi totok.

KINOBAḺIAN 25:33

Guman doman bui i Yakub, “Pongibotdon muna kon ogoimudon in hakmu tatua kon inakó.” Dá nongibot domandon in ki Esau poḷat nobogoi in haknea tatua kon i Yakub.

KINOBAḺIAN 26:1

Kon butá tatua nomukádon bui in malarat ná inta nokoimontandon in nobaḻí kon dodai i Abraham. Ki Ishak in minayá kon tayowon i Abimelek, datu intau in Pilistin kon Gerar bo nopoigum sinbá ogoinea mogutun kon tua.

KINOBAḺIAN 27:32

“Ki ine in iko?” ki Ishak noḻibó. “Ki Esau ki adí i papa inta guya-guyang,” tubagnea.

MAZMUR 106:24

Onda intua mosia nondoí kon butá inta mopia tatua popisí in diá mopirisaya kon dandi i Allah.

MOHOHUTUBA 8:15

Impoḷok mako in tosingogonku in intau naa in mustibí mobiag takin ḷunganga in gina. Sin kon bonu in kobiagannea kon dunia diábí in kasanangan ibanea kon inia koḻikudbí in mongaan, monginum bo mobarasanang. Tongábí tua in kopakéannea kon bayongan in onu inta iramujinea, kon bonu in kobiagan inta inogoi i Allah kon inia.

YESAYA 22:13

Táe noyoḻiudon kon tua, moiko in nobarasanang bo norame. Moiko in noratá kon sapi bo domba, nokaan kon ponoyá bo nonginum kon tubig in anggur sindaḷan nomaḷú, “Koḻigai in kita mongaan bo monginum, sin ikoḷom matoi in kita!”

MATIUS 22:5

Táe diá in pandung in intau mita inta sinoko oiní tatua. Oyúon inta minayá in gobá, oyúon doman minayá nogaid kon oaidannea;

MATIUS 26:15

Bo noḻibó, “Onu in ogoi monimu kon i nakó, aka Sia posarakanku kon i monimu?” Dá inogoian monia in doit saḷaka toḷu nopuḷú in sia.

OUMAN IN RASUL MITA 13:41

‘Tarukira totok kopira, ei moiko intau mita inta mosingkuḻe! Moherangbí in moiko, bodongka matoi! Sin kon masa in tanaa Akuoi in mogaid kon oaidan inta diábí pirisayaan monimu, umpakabí oyúon intau in mopomangaḻe kon inimu.’ ”

KORINTUS 1 15:32

Aka tongá pongin raian in intau, yo onubí in kauntungan kon inakó in moberjuang totok naonda bo monayow kon mahaḷuk mita inta mongoromú kon kotá in Epesus tanaa? Aka totuu kon intau minatoi diá biagon bui, yo maníka dumudui in kita kon ná kain singog in intau nanaa: “Koḻigai mongaan bo monginum poḷat mobarasanang in kita sin ikoḷom in tatap matoibí doman.”