KINOBAḺIAN 25:25 - Alkitab Singog In Mongondow Masa In Tanaa

²⁵ Inta guya-guyang batangannea nopuya-puya bo kuḻitnea naonda bo jubah bobubuḷan. Tuamai sinangoian ki Esau.

KINOBAḺIAN 25:25 ပူးပေါင်းရင်းမြစ်များ

KINOBAḺIAN 25:24

Nodapotdon in wakutu i Ribka mononggadí, bo sia nopononggadí in adí ḷoḷaki apang.

KINOBAḺIAN 27:1

Kon singgai tobatú kon tungkuḷ in ki Ishak nogoguyangdon bo nobilog domandon, inoinínea in ki Esau, ki adínea guya-guyang, bodongka noguman kon inia, “Adíku!” “Ya, Papa,” tubag i Esau.

KINOBAḺIAN 27:11

Táe ki Yakub in noguman kon i inánea, “Iná, awak i Esau tua in bobubuḷan táe awakku in diábí bobubuḷan?

KINOBAḺIAN 27:16

Bo kuḻit in bembé tatua pinopooḻitnea kon ḻima bo sigogow i Yakub inta diá bobubuḷan tatua.

KINOBAḺIAN 27:23

Diádon kinotaauan i Ishak in ki Yakub sin kokaḷnea bobubuḷan doman ná kokaḷ i Esau. Táe kon dodai in ki Yakub barakatanneadon,

TAWARIKH 1 1:34

Ki Ishak ki adí i Abraham in kogadí kon adí ḷoḷaki doyowa, ki Esau bo ki Yakub (inta sinangoi doman Israel).

MALEAKHI 1:2

Ki Tuhan in noguman kon umat-Nea, “Akuoi in motabi kon i monimu.” Táe mosia in notubag, “Naonda in pononotabi i Tuhan kon inami?” Ki Tuhan in notubag, “Kinotaauanbí monimu kon ki Esau tua in ki guya-guyangbí i Yakub? Táe ki Yakub in kinotabiku,

PINOGIAPAN 20:14

Onda intua nongkon Kades, ki Musa nopotabá in totabá mita sin mayá mokipodungkuḷ kon i datu in Edom. Guman monia, “Kami in nongkon suku mita in Israel inta oyúonpa in tondoḷ in kompong i Tuangku. Degá kinotaauan bidon i Tuangku in yoyiga inta noiantug kon inami.

ULANGAN 23:8

Pinangkoi kon buí nogintoḷu bo moidudui kon tua mosia tua in motaaubí mobaḻí umat i Tuhan.”

YOSUA 24:4

bo ki Ishak inogoian-Ku in adí doyowa, ki Yakub bo ki Esau. Buḷud in Edom in inogoi-Ku kon i Esau nobaḻí kapunyaannea, táe ki Yakub, mogoguyang monimu tua, in nomamping kon Mesir, noyotakin i adínea mita.