KINOBAḺIAN 25:23 - Alkitab Singog In Mongondow Masa In Tanaa

²³ Ki Tuhan noguman kon inia, “Doyowa nobangusa nion kon bonu in sianmu; iko mopononggadí in bangusa doyowa inta mososaturuan; ai-ai in moropo-ropot nongkon guya-guyang inta guya-guyang mobaḻí bobantung in ai-ai.”

KINOBAḺIAN 25:23 ပူးပေါင်းရင်းမြစ်များ

KINOBAḺIAN 17:16

Barakatan-Ku in sia bo sia in mopononggadí in adí ḷoḷaki tobatú inta ogoi-Ku kon inimu. Totuu, Akuoi in momarakatbí kon i Sara, bo sia in mobaḻí mogoguyang bobay in bangusa mita. Kon sigad in buínea oyúon in mobaḻí datu mita.”

KINOBAḺIAN 17:4

“Naadon in dodandian inta pinomia-Ku takinmu: Akuoi in modandi kon iko in mobaḻí mogoguyang in bangusa mita. Tuamai tangoimu deeman bidon ki Abram, táe ki Abraham bidon.

KINOBAḺIAN 25:24

Nodapotdon in wakutu i Ribka mononggadí, bo sia nopononggadí in adí ḷoḷaki apang.

KINOBAḺIAN 25:27

Adí doyowa tatua koḷoben-koḷobendon. Ki Esau nobaḻí pemburu inta mokaḻet bo moibo-ibog mogutun kon kayuon, táe ki Yakub in dodianea moonow bo moibo-ibog mogutun mako kon baḷoi.

KINOBAḺIAN 27:29

Poigumon mako bangusa mita in mobaḻí bobantungmu, bo suku mita in bangusa tumungkud kon tayowonmu. Poigumon mako iko in mongawasa kon bayongan ginaḷum motoḷuadímu, bo buí i inámu in tumungkud kon tayowonmu. Poigumon mako katuḷaan in intau mita inta mogodi-godimai kon inimu bo barakatan in intau mita inta momarakat kon inimu.”

KINOBAḺIAN 27:33

Noitaḻikokogdon totok in ki Ishak bo poḷat noḻibó, “Aka natua, dá ki inebí inta minayá notayak kon biag in kayuon tatua bo dinianea kon inakó koina? Ain kinaanku kon dodai in iko diápa noiangoi. Bo ain nomarakat kon inia, bo tanaa barakat tatua ain nobaḻí kapunyaannea inta mononoi.”

KINOBAḺIAN 27:37

Ki Ishak in notubag, “Sia ain binaḻíku ki tuangmu, bo bayongan ginaḷum motoḷuadínea binaḻíkudon bobantungnea. Akuoi ain nobogoi kon inia in gandum bo anggur. Tanaa diá bidon onu bo onu in motaauku aidan kon inimu, Uḻe!”

KINOBAḺIAN 27:40

Iko in mobiagdon nongkon pogaidanmu, táe mobaḻí bobantung i ai-aimu, táe aka iko momarontak, yo iko in moipilatdon nongkon kawasanea.”

KINOBAḺIAN 32:6

Naonda in totabá mita tatua nobuidon mangoi kon i Yakub, mosia in noguman, “Kami ain minayá kon i Esau, ki guya-guyang i Tuang bo tanaa sia tayo-tayowdon mangoi sin motomu kon i Tuang. Sia in namangoi takin intaunea opat nogatut.”

KINOBAḺIAN 33:3

Ki Yakub in minayá kon muna totok monia komintan, bo koyogot in sia mayá dimiug kon i guya-guyangnea, sia sindaḷan tumungkud nodapot in kopitu.

KINOBAḺIAN 36:31

Kon dodai in diápa in datu nomarenta kon Israel, datu mita inta noiduduimai tanaa nomarenta kon butá in Edom noyo-noyodudui: Ki Bela ki adí i Beor kon i Dinhaba. Ki Yobab ki adí i Zera nongkon i Bozra. Ki Husyam nongkon butá in Téman. Ki Hadad ki adí i Bedad nongkon Awit (sia tuata inta nonaḷow kon intau in Midian tungkuḷ in noparang kon butá in Moab). Ki Samla nongkon Masreka. Ki Saul nongkon Rehobot inta kon bingkí in ongkag. Ki Baal-Hanan ki adí i Akhbor. Ki Hadar nongkon Pahu (Tangoi buḷoinea in ki Mehetabeel, ki adí i Matred inta ki ompu i Mezahab).

KINOBAḺIAN 48:19

Táe ki amánea noguman, “Kinotaauankubí uḻeku, kinotaauankubí. Ki Manasye in mobaḻí moḷoben in kawasanea bo buínea in mobaḻíbí doman bangusa inta moḷoben. Táe kawasabí i ai-ainea in moḷobe-ḷoben nongkon kawasanea, bo buí i ai-ainea in mobaḻí bangusa mita inta moḷoben.”

SAMUEL 2 8:14

Noposindog in sia in ḷoḷaigan mita in tontara kon bayongan in Edom, bo intau mita in Edom tatua notoguondokdon kon inia. Ki Tuhan in nopountung kon i Daud kon ondaka in bayáannea poparangan.

TAWARIKH 1 18:13

bo noposindog in ḷoḷaigan mita in tontara kon bayongan in Edom. Dá notoguondokdon in intau mita in Edom kon i Datu Daud. Ki Tuhan nobogoi in kauntungan kon i Daud kon ondaka in bayáannea poparangan.

OBAJA 1:21

Intau in Yerusalem inta nountung in monubu kon Edom poḷat mopotungkud. Dá Akuoi ki Tuhan in momarenta mobaḻí datu.”

PINOGIAPAN 20:14

Onda intua nongkon Kades, ki Musa nopotabá in totabá mita sin mayá mokipodungkuḷ kon i datu in Edom. Guman monia, “Kami in nongkon suku mita in Israel inta oyúonpa in tondoḷ in kompong i Tuangku. Degá kinotaauan bidon i Tuangku in yoyiga inta noiantug kon inami.

ULANGAN 2:4

Onda intua ki Tuhan nopotabá kon inakó mobogoi in totundú mita tanaa kon inimu, ‘Diádon moonggot bo moiko in tumuot kon butá in Edom, butá i utatmu mita, buí i Esau. Mosia in motoguondokbí kon inimu,

ULANGAN 2:8

Onda intua kita nongingguputdon kon binayáan, nonaḷámai kon daḷan inta moitaḻib kon kotá mita in Elat bo Ezion-Geber nopobayá ná Laut Mati, bo nomurow nopobayá ná timur laut mopobayá in Gurun Moab.

SAMUEL 1 17:14

Ki Daud naa in adí muit. Kon dodai in ki guya-guyangnea toḷu tatua minayá dinumudui kon i Saul sin moparang,