KINOBAḺIAN 20:3 - Alkitab Singog In Mongondow Masa In Tanaa

³ Kon doḷom tobatú ki Allah nokipogontong kon i datu tatua kon bonu in togoindop, bo noguman, “Iko in matoi, popisí in ginamámudon in bobay tatua; sin sia ain bidon kobuḷoi.”

KINOBAḺIAN 20:3 ပူးပေါင်းရင်းမြစ်များ

KINOBAḺIAN 12:17

Táe pinopisí in ki datu nogamá kon i Sarai, dá ki Tuhan nopouma in panyaki mita inta mokoondok kon i datu bo kon intau mita inta kon komaḻignea.

KINOBAḺIAN 12:18

Bo ki datu in nogoiní kon i Abram bo noḻibó kon inia, “Onudon in pinomiamu kon inakó naa? Nongonu sin diábí pinogumanmu kon sia naa in ki buḷoimu?

KINOBAḺIAN 20:7

Táe tanaa, pobuidon in sia kon i buḷoinea. Ki buḷoinea in tobatúbí nabi, bo sambayangannea in iko sinbá diá matoi. Táe aka diá pobuimu in sia, yo pokotaaudon, iko bo bayongan rayatmu in matoi!”

KINOBAḺIAN 28:12

Onda intua sia sinumogoindop kon sia in nokoontong kon tukad tobatú inta nongkon butá dapot in ḷangit bo malaekat mita moponik moponag kon tukad tatua.

KINOBAḺIAN 31:24

Kon tungkuḷ in doḷom ki Allah namangoi kon i Laban kon bonu in togoindopnea, bo noguman, “Pokoingat dika mokoimontanmai iko mopogogondok kon i Yakub takin tosingogon tongáka totontagá.”

KINOBAḺIAN 37:5

Kon doḷom tobatú ki Yusup sinumogoindop, bo naonda inoumannea kon i guya-guyangnea in togoindopnea tatua, nodugangdon noyaat in gina monia kon inia.

KINOBAḺIAN 37:9

Noiduduimai kon tua ki Yusup bui doman sinumogoindop, bo sia noguman kon i guya-guyangnea mita, “Akuoi in sinumogoindop bui, inontongku mata in singgai, buḷan bo tundi mopuḷú bomitá sinumungkud nosumba kon inakó.”

KINOBAḺIAN 40:5

Kon doḷom tobatú intau inta mopoposadia in oinumon i datu bo inta mopoposadia in kaanon i datu tumpaḷa sinumogoindop. Táe togoindop nayadua tua in diá notongkai dá mangaḻenea in diábí doman notongkai.

KINOBAḺIAN 40:8

Tubag monia, “Kogobíi kami in sinumogoindop, bo diá doman kotaauan nami in mangaḻenea.” Guman i Yusup, “Tongábí ki Allah in motaau mobogoi in mangaḻe in togoindop. Oumanka in togoindop monimu tatua.”

KINOBAḺIAN 46:2

Kon tobatú oontongon wakutu in doḷom, ki Allah noguman kon inia, “Yakub, Yakub!” “Ya, Tuhan,” tubagnea.

TAWARIKH 1 16:21

Táe diábí pinomayá i Tuhan in ki ineka in mopororiga kon i monia; popisí in mosia, datu mita inogoian-Nea in tompoingat,

AYUB 33:15

Umpaka intau nosiug noḷoḷot kon dodai in doḷom, kon bonu in togoindop bo oontongon, ki Allah in mosingog.

AYUB 33:17

Makusud-Nea sinbá mosia in mogogai mogaid kon dosa bo monaḷámai kon kaḷakuang monia.

MAZMUR 105:14

Táe ki Tuhan in diábí nopomayá kon i ineka in mondorot kon i monia; popisí in mosia, datu mita inogoian-Nea in tompoingat,

YUNUS 3:4

Ki Yunus in sinumuot kon kotá tatua bo naonda in minayá nouput in singgai tatua, nomangkoidon in sia nopoyaput in koyow, kainia, “Opatpa nopuḷú nosinggai, bo morimumud in Niniwe!”

PINOGIAPAN 22:9

Bo ki Allah in namangoi kon i Bileam bo noḻibó, “Ki ine in intau mita inta kon tampatmu tua, Bileam?”

MATIUS 1:20

Tongá kon wakutu in sia koyogot nopomiki-mikirmai kon makusudnea tatua, malaekat i Tuhan namangoi kon inia kon bonu in togoindop bo noguman: “Yusup, buí i Daud, donaaibí moondok iko motonibuḷoi takin i Maria, sin adí inta kon bonupa in siannea tua in nobaḻí sin kawasabí in Roho i Allah.

MATIUS 27:19

Wakutu in ki Pilatus ḻimitúpa mako kon baḷoi pongadilan, ki buḷoinea nongoyow kon inia, “Donaai iko dumugang kon pelekara in intau mopia tanion, sin lantaran Sia yo akuoi in sinumogoindop kon diá mopia in kogobíi.”