KINOBAḺIAN 19:15 - Alkitab Singog In Mongondow Masa In Tanaa

¹⁵ Kon dodai in modiugdon mobayag, malaekat doyowa tatua totokdon in nondodak kon i Lot sinbá mobuatdon nongkon kotá tatua. “Koḻikatdon,” guman monia. “Bayádon nongkon naa takin ki buḷoimu bo ki adímu bobay doyowa, sinbá moiko in diá matoi aka kotá tanaa yompatondon.”

KINOBAḺIAN 19:15 ပူးပေါင်းရင်းမြစ်များ

KINOBAḺIAN 19:14

Bo minayádon in ki Lot nokipodungkuḷ kon tayowmobiag doyowa inta nongantangdon kon i adínea doyowa, bo poḷat noguman, “Koḻikatdon ḷuai nongkon kotá tanaa, sin yompatondon i Tuhan.” Táe kai monia kamai tongábí mobobaḻitumbuyan in ki Lot.

KINOBAḺIAN 19:16

Mogagawang totok in ki Lot. Táe ki Tuhan in motabi kon inia; tuamai intau mokokiangoi doyowa tatua in nokapit kon i Lot takin ki buḷoinea bo ki adínea bobay doyowa tatua iḻumuai in kotá.

KINOBAḺIAN 19:17

Naonda intua tobatú nongkon malaekat tatua in noguman, “Poḷaguidon, posaḷamatdon in nyawamu! Donaai mobobui kon tumi bo donaai mogogai kon ḷopá. Poḷaguidon bayá in buḷud, sinbá diá matoi in moiko!”

KINOBAḺIAN 19:22

Koḻikat, poḷaguidon! Sin diápabí akuoi momia kon onuka aka iko diápa moyaput kon tampat tatua.” Popisí in ki Lot nonangoi kon kotá mointok tatua, dá tuamai kotá tatua sinangoian Zoar.

MAZMUR 94:23

Sia in mohukum kon intau moraat podudui in aidnea inta moraat, bo nomompon kon bibig monia popisí in dosanea. Ki Tuhan Allah naton in momomponbí kon i monia.

KORINTUS 2 6:2

Sin ki Allah ain noguman nanaa, “Kon wakutu inta kinoibog-Ku, Akuoi in nongindongogdon kon i monimu, bo kon singgai in akuoi moposaḷamat, Akuoi in motuḷung kon inimu.” Pokotorop kopia, masa in tanaa ain bidon wakutu inta kinoibog-Ku tua, bo tanaa bidon mako in singgai poposaḷamatan tatua!

WAHYU 18:4

Bo akuoi in nokodongog kon singog ibanea nongkon soroga noguman nanaa, “Ḷuaidon, umat-Ku! Ḷuaidon nongkon bonunea! Sinbá moiko in diádon dumudui mogaid kon dosanea mita, bo moitakin motanggung kon hukumannea!