KINOBAḺIAN 18:32 - Alkitab Singog In Mongondow Masa In Tanaa

³² Pangabisannea ki Abraham in noguman, “Donaaidon tumorú, Tuhan, dongkadon komintan akuoi in mosingog. Yo naonda aka dongkadon mopuḷú in intau?” Ki Tuhan in noguman, “Aka mopuḷúpa doman in intau diá kotaḷá, yo diábí yopúon-Ku in kotá tatua.”

KINOBAḺIAN 18:32 ပူးပေါင်းရင်းမြစ်များ

KINOBAḺIAN 18:30

Ki Abraham in noguman, “Donaai tumorú, Tuhanku, aka akuoi buipa doman mosingog. Yo naonda aka kuma dongkadon toḷu nopuḷú in intau?” Ki Tuhan in noguman, “Aka toḷupa nopuḷú intau mouḻí-Ku, yo tagúon-Kupabí in niat-Ku.”

KINOBAḺIAN 18:31

Ki Abraham in noguman, “Ampungaidon in akuoi inta moiḻiudon in barani mongingguput kon tosingogon tanaa, Tuhan. Aka kuma bo dongkadon doyowa nopuḷú in intau?” Ki Tuhan in notubag, “Aka doyowapa nopuḷú in intau mouḻí-Ku, yo kotá tatua in diábí yopúon-Ku.”

KINOBAḺIAN 44:18

Ki Yohuda in minayá dinimiug kon i Yusup bo noguman, “Maap, Tuangku, ogoipa in bobantungmu naa mosingog bui takin i Tuangku. Dika tumorú kon inakó inta tongá bobantung naa; Ki Tuang nádon ki datu in Mesir tontaní.

AYUB 33:23

Degá tobatú kon sigad in toribu in malaekat i Allah inta moponorop kon intau in oaidannea, in mamangoi sin motuḷung kon inia.

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

IḶUAIAN 32:14

Dá ki Tuhan nomaḷuidon kon niat-Nea tatua bo diádon pinopoantugan-Nea in bangusa tatua in bodito ná inta tomayá-Nea.

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

YESAYA 65:8

Ki Tuhan in moguman, “Bungai in anggur inta oyúonpa in tubignea in diábí ḷumbúon, táe baḻíondon tubig in anggur. Natua doman in bangusa-Ku diábí yopúon-Ku komintan, sin kon sigad monia oyúonpa inta mogundoi kon i-nakó.

YEREMIA 5:1

Ei intau in Yerusalem, tutuiaidon in daḷan mita kon kotamu mita! Tayakdon kon bayongan tampat, bo sakusiaidon tontaní. Pirikisadon kon rawang mita in kotá mongo oyúonpa in intau motuḻid inta moḷongasi mokopotoindudui kon i Allah. Aka oyúon, dá ki Tuhan in mongampungbí kon Yerusalem.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

MATIUS 7:7

“Poigumdon, dá ogoianbí in moiko. Potayakdon, dá mokouḻí bí in moiko. Ponangkokódon, dá pobukatanbí in moiko kon ḷoḻingkop.

EPESUS 3:20

Takin kawasa i Allah inta tantú moigonú kon bonu in gina naton, motaau in ki Allah mogaid kon mobayo-bayong nongkon onu inta motaau igumon andeka inta koraian naton.

HAKIM MITA 6:39

Bo noguman in sia kon i Allah, “Tuhan, donaaipa kaasí tumorú aka komintanpa doman in akuoi in mosingog. Ogoiaipa in wakutu in akuoi bui monungkuḷ takin momaké in bubuḷ in domba inta ain ginonsing naa. Táe tanaa in pomayádon mako sinbá tongá bubuḷ in domba tanaa in moingkag, bo butánea in mobuntad.”