KINOBAḺIAN 18:29 - Alkitab Singog In Mongondow Masa In Tanaa

²⁹ Ki Abraham in buipa doman noguman, “Yo naonda aka dongkadon opat nopuḷú intau?” Ki Tuhan notubag, “Diábí yopúon-Ku sin mociapa opat nopuḷú tua.”

KINOBAḺIAN 18:29 ပူးပေါင်းရင်းမြစ်များ

KINOBAḺIAN 18:28

Aka kuma bo tongádon opat nopuḷú boḻima, deemandon ḻima nopuḷú in intau inta diá kotaḷá, yo degá yopúonpa doman i Tuhan in bayongan kotá tatua tongá pinopisí in kinogaatan intau taya ḻima tatua?” Ki Tuhan in noguman, “Kotá tatua in diábí yopúon-Ku aka kuma kouḻían-Kupa kon opat nopuḷú boḻima in intau inta diá kotaḷá.”

KINOBAḺIAN 18:30

Ki Abraham in noguman, “Donaai tumorú, Tuhanku, aka akuoi buipa doman mosingog. Yo naonda aka kuma dongkadon toḷu nopuḷú in intau?” Ki Tuhan in noguman, “Aka toḷupa nopuḷú intau mouḻí-Ku, yo tagúon-Kupabí in niat-Ku.”

EPESUS 6:18

Aidai intua komintan takin mosambayang mopoigum kon totuḷung i Allah. Posambayangdon pomuḷoi mako podudui ibog in Roho i Allah kon i monimu. Umuran pobasadia in moiko bo dika umundok. Tantú sambayangai in bayongan umat i Allah.

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.