KINOBAḺIAN 18:25 - Alkitab Singog In Mongondow Masa In Tanaa

²⁵ Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

KINOBAḺIAN 18:25 ပူးပေါင်းရင်းမြစ်များ

KINOBAḺIAN 18:24

Aka kuma bo oyúonpa in ḻima nopuḷú in intau inta diá kotaḷá kon bonu in kotá tatua, yo degá bayongan kotá tatua in yopúon doman mita i Tuhan? Yo umpaka dá diádon ampungan i Tuhan in kotá tatua sinbá intau taya ḻima nopuḷú tua in mosaḷamat?

TAWARIKH 1 16:33

Pangkoi mita in kayu kon kayuon in morogiowdon mita sin ki Tuhan in namangoidon sin momarenta kon dunia.

TAWARIKH 2 19:7

Moiko in mustibí motoguondok kon i Tuhan, bo mokopopia in mopobayá, sin ki Tuhan Allah naton in doíbí kon intau mita inta diá moadil, inta mobogat kon toḷosi andeka inta motarima kon bogoi pomompon kon bibig.”

NEHEMIA 9:33

Oaid-Mu in moadil, ihukum-Mu in kami inta binaradosa; Iko in umuranbí mosatia umpakabí in kami nopuḻing in aid mokotor.

AYUB 34:10

Ei intau mita inta moarip, indongogai! Umpaka dá ki Allah Inta mokawasa totok mogaid kon moitaḷá?

AYUB 34:12

Ki Allah Inta Totok in mokawasa diábí mogaid kon inta moraat; bayongan in intau inogoian-Nea koadilan.

AYUB 8:20

Táe ki Allah in diábí kon dodai in onda in monaḷámai kon intau inta motoindudui, bo diábí doman kon dodai in onda in Sia in motuḷung kon intau moraat.

AYUB 8:3

Ki Allah in diábí kon dodai in onda in momelung kon koadilan; diábí kon dodai in onda in diá mokoposindog kon inta mobanar.

MAZMUR 50:6

Ḷangit in mopotaau kon ki Allah in monisig kon umat-Nea, bo Siabí tontaní in hakimnea.

MAZMUR 58:11

Mokoontong kon intau moraat hukumon, mopia in gina in intau motuḻid, bo momatá kon sioḷnea kon bonu in dugú in intau moromú.

MAZMUR 7:12

Ki Allah in hakim inta moadil, inta pomuḷoi mako mohukum kon intau moraat.

MAZMUR 75:3

Ki Allah in noguman, “Kon wakutu inta sinantú-Ku, Akuoi in mohakimbí koadilon.

MAZMUR 94:2

Sindogdon, o Hakim in sinangkub in dunia, hukumdon in intau mododia podudui in aid monia.

MAZMUR 98:9

Sin Sia in mamangoi sin mohakim kon dunia; bangusa mita in hakimon-Neabí podoyon kon inta moadil bo mobanar.

MOHOHUTUBA 3:17

Iraiku, ki Allah in monisigbí kon intau inta mopia bo inta moraat, sin pomuḷoi in soaḷ bo pomuḷoi in aid inta mobaḻí kon wakutu inta ain sinantú i Allah.

MOHOHUTUBA 7:15

Kobiaganku in diábí in mangaḻenea, táe kon bonu in akuoi nobiag inontongku in naa: Moiḷanuimai in intau mopia moyopú, umpakabí in sia motoindudui. Moiḷanuimai doman in intau moraat moumur in kobiagannea, umpakabí in sia umuran mogaid kon dosa.

YEREMIA 11:20

Bo akuoi in nosambayang, “O Tuhan Inta Totok in mokawasa, Iko in hakim inta moadil; Ikobí in nonungkuḷ kon raian bo gina in intau. Pelekaraku tanaa in posingayowon-Ku kon ini-Mu. Igumon mako koontonganku in Iko motuḻí kon aid in intau mita tatua.”

YEREMIA 12:1

“Aka diaanku in pelekaraku kon tayowon-Mu, o Tuhan, yo notantú bidon kon moniatabí kon Ikobí in noitutui. Táe moibogbí doman in akuoi in moḻibó kon inta moadil kon ini-Mu: Nongonu sin intau moraat in mobiagbí mooyúon? Nongonu sin intaubí inta diá motuḻid in mokodapot kon inta koibog monia?

YEHEZKIEL 18:25

Degá oyúon in moguman nanaa, ‘Noitaḷádon in aid i Tuhan.’ Indongogaidon, ei intau in Israel! Degá noitaḷá in inta inaidan-Ku? Moikobí in noitaḷá.

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”

PINOGIAPAN 16:22

Táe ki Musa bo ki Harun dinumokó nosumba bo noguman, “O Allah, Ikobí in nobogoi in kobiagan kon bayongan inta nobiag. Aka tongá tobatú in intau in binaradosa, yo degá Iko in tumorú domandon kon bayongan umat?”

KORINTUS 2 5:10

Sin notantúbí kon kita in diaanbí kon tayowon pongadilan i Kristus, bo pomuḷoi intau in motarimabí kon inta patus tarimaannea podudui in oaidannea kon wakutu in kon duniapa naa – oaid mopia andeka moraat.

ULANGAN 1:16

Kon dodai intua naa in pinoki aidku kon i monia: Indoiai kopia in yogogintaḷaan mita inta nomuká kon sigad in bangusamu. Koadilon in monantú, pinomayá pelekara inta noikabit kon intau tobangusamu andeka inta noikabit kon intau ango-angoi inta nogutun kon sigad monimu.

ULANGAN 1:17

Aka monantú yo dika mobogat kon toḷosi; musti potongkaion in monantú kon taḷá kon batúan in intau. Dika moondok kon i ineka, sin onu inta sinantú monimu tua in namangoibí nongkon i Allah. Aka pelekara tobatú bo mobogatmu totok tantúon, yo diádon mangoi kon inakó, bain akuoi in monantú kon tua.

ULANGAN 32:4

Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.

IBRANI 12:23

Moiko in sinumakin kon tobatú pinoyodungkuḷan inta morame totok – pinoyodungkuḷan in adí mita guya-guyang i Allah, inta pinaisdon in tangoi monia kon bonu in soroga. Moiko in namangoi sinumayow kon i Allah hakim in bayongan intau naa. Moiko in sinumayow kon roho mita intau mopia inta ain sinompurna.

HAKIM MITA 11:27

Diábí, kami in diábí kotaḷá kon inimu. Ikobí nion in kotaḷá sin ain nonubu kon inami. Ki Tuhanbí in hakim singgai in naa inta monantú kon pelekara kon sigad in bangusa in Israel bo bangusa in Amon.”