KINOBAḺIAN 18:14 - Alkitab Singog In Mongondow Masa In Tanaa

¹⁴ Eta oyúon in diá komampuan i Tuhan aidan? Ná inta pinoguman-Ku koina, siowpa nobuḷan Akuoi in mobui mangoi kon naa. Bo kon dodai intua ki Sara in mopononggadídon in adí ḷoḷaki.”

KINOBAḺIAN 18:14 ပူးပေါင်းရင်းမြစ်များ

KINOBAḺIAN 17:16

Barakatan-Ku in sia bo sia in mopononggadí in adí ḷoḷaki tobatú inta ogoi-Ku kon inimu. Totuu, Akuoi in momarakatbí kon i Sara, bo sia in mobaḻí mogoguyang bobay in bangusa mita. Kon sigad in buínea oyúon in mobaḻí datu mita.”

KINOBAḺIAN 17:21

Táe dodandian-Ku in popotogot-Kubí kon i Ishak, ki adímu inta pononggadí i Sara, taong moiduduimai degá ná doman kon oras tanaa mako.”

KINOBAḺIAN 18:10

Tobatú inta kon sigad nayatoḷu tua in noguman, “Siowpa nobuḷan Akuoi in momangoi bui. Bo kon dodai intua ki Sara ki buḷoimu in kogadídon kon adí ḷoḷaki.” Kon dodai intua ki Sara nokidongog mako nongkon ḷoḻingkop in ḷoḷaigan, inta kon tumimai in mokokiangoi mita tatua.

KINOBAḺIAN 18:13

Bo ki Tuhan noḻibó kon i Abraham, “Nongonu sin ki Sara in kumosingbí bo diá mopirisaya kon sia in mopononggadípabí in adí kon dodai in sia nogoguyangdon?

KINOBAḺIAN 18:15

Pinopisí in moondok, dá ki Sara in nomayow, kainia, “Akuoi in diábí kinumosing.” Táe ki Tuhan notubag, “Iko in kinumosingdon in koina.”

KINOBAḺIAN 21:1

Ki Tuhan nomarakat kon i Sara, ná inta ain pinodandi-Nea.

KINOBAḺIAN 21:2

Kon wakutu inta ain sinantú i Allah, kon dodai in ki Abraham ain nogoguyang, ki Sara in sidiadon bo nopononggadí in adí ḷoḷaki tobatú.

DATU MITA 2 4:16

Bo ki Elisa in noguman kon inia, “Taong moiduduimai, kon oras ná tanaa, ki iná in mokoyot bidon kon adí mointok ḷoḷaki.” “Amá, dika monguboḷ!” guman in bobay tatua. “Ki Amá naa in mogogundoi i Allah!”

AYUB 36:5

Ki Allah tua in motorindog! Bayongan yagi-yagi kinotaauan-Nea. Diábí tobatúmai intau in inanggap-Nea nohina.

MAZMUR 90:13

O Tuhan, modapot in toonu Iko in tumorú? Pobuidon bo kotabipa in mogogundoi-Mu mita.

MAZMUR 93:1

Ki Tuhan in Datu; Sia in nogiḷambung in kamuliaan bo ropot. Dunia in sinimindog notorindog diábí modandú.

MAZMUR 95:3

Sin ki Tuhan in ki Allah inta moḷantud, Datu inta motorindog inta nonigad kon bayongan in dewa.

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YEREMIA 32:17

“Tuhan Inta Totok in momulia, Ikobí inta nomaḻí kon ḷangit bo butá pinongin kawasa bo ropot-Mu inta moḷoben. Diábí in tobatúmai in mororiga aidan-Mu.

YEREMIA 32:27

“Akuoibí in Tuhan, Allah in bayongan intau. Diábí in mororiga-Ku aidan.

DANIEL 6:20

Kon tungkuḷ in modiugpa mobayag nobangondon in ki datu bo iḻimikat minayá in angob in singa.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

ZAKHARIA 8:6

Soaḷ tatua in koontongan diá kumaan kon akaḷ kon intau mita inta nobiagpa nongkon bangusa tanaa, táe diábí in diá kumaan kon akaḷ-Ku.

PINOGIAPAN 11:23

Tubag i Tuhan, “Diábí in moiḻiu kon kawasa-Ku! Ḷagi bidon ontongonmu kon onu inta siningog-Ku tua in totu-totuubí kon mobaḻí andeka diá!”

MATIUS 14:31

Dá siningkap i Yesus in ḻima-Nea, bo poḷat noguman kon i Petrus nanaa, “Ei intau inta diá totok mopirisaya. Nongonu sin moḻia-ḻiawbí in ginamu?”

MATIUS 19:26

Ki Yesus inimindoi kon i monia bo nosingog, “Aka podudui in raian intau yo tua in mororigabí aidan! Táe aka kon i Allah, yo mogampangbí totok intua.”

MATIUS 3:9

Bo naaipa muna morai kon moiko in mosaḷamatbí sin moiko in moguman kon bonu in gina kon ki Abraham in ki amá nami, pogumankudon kon i monimu, kon batu mita tanaa in motaaubí aidan i Allah ki buí mita i Abraham.

MARKUS 10:27

Ki Yesus inimindoi kon i monia bo noguman, “Aka kon intau, tua in diábí kumaan kon akaḷ, táe aka kon i Allah, komintanbí kumaan kon akaḷ; diábí in diá motaau-Nea aidan.”

LUKAS 1:13

Táe kain singog in malaekat tatua kon inia, “Dika moondok Zakharia, sin mintahangmu inindongogandon i Tuhan, dá ki Elisabet ki buḷoimu tua in mopolahirbí in adí ḷoḷaki, bo mustibí tangoianmu ki Yohanes in adí tatua.

LUKAS 1:18

Dá ki Zakharia in noḻibó kon malaekat tatua, “Nábí onda in kobobaḻí intua komintan? Kaminda motonibuḷoi naa in tumpaḷadon mogoguyang!”

LUKAS 1:37

Sin aka kon i Allah, diábí in diá motaau aidan-Nea.”

LUKAS 8:50

Tongá dinongog i Yesus onu inta pinoguman in intau tatua, dá Sia in noguman kon i Yairus, “Yairus, dikabí moondok. Popirisayabí dá mosaḷamatbí in ki adímu tatua.”

SURAT I PAULUS KON JAMAAT RUM 4:21

Totokbí in moyakin in sia kon mokosanggupbí in ki Allah momia kon onu inta ain pinodandi-Nea tua.

EPESUS 3:20

Takin kawasa i Allah inta tantú moigonú kon bonu in gina naton, motaau in ki Allah mogaid kon mobayo-bayong nongkon onu inta motaau igumon andeka inta koraian naton.

ULANGAN 30:3

dá ki Tuhan Allahmu in monotabibí kon i monimu. Moiko in diaan-Neabí bui nongkon bangusa mita inta pinoporangkapan kon i monimu, bo bui ogoian in kobiagan motompia.

ULANGAN 7:21

Dá dikabí moondok kon bangusa mita tatua. Ki Tuhan Allahmu in moḷukadbí kon i monimu. Sia in ki Allahbí inta moḷoben bo motoyang.

PILIPI 3:21

Awak naton inta ilo-ilow bo inta diá mononoi naa, baḷuian i Kristus mobaḻí naonda bo awak-Nea tontaní inta momulia. Motaau-Neabí aidan intua, sin oyúonbí in kawasa nongkon i-Nia mopotungkud in bayongan yagi-yagi.

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

IBRANI 11:19

Ki Abraham in noyakinbí totok kon mokosanggupbí in ki Allah momiag kon i Ishak nongkon kinopatoiannea tua, dá motaaubí tangoion kon ki Abraham in notarimadon bui kon i Ishak nongkon kinopatoiannea.

HAKIM MITA 13:3

Táe kon singgai tobatú malaekat i Tuhan nokipogontong kon i buḷoinea bobay bo poḷat noguman, “Naa in koonggotnea iko in diábí nokouḻí kon adí, táe diá bidon moonggot bo iko in monogusiandon, bo mokouḻí kon adí ḷoḷaki.

SAMUEL 1 14:6

Dá nogumandon in ki Yonatan kon tayowmobiag tatua, “Igai mayá in kita kon poḷoḷukadan in intau in Pilistin inta kaper tatua. Dika-dika ki Tuhan moibogpabí motuḷung kon inaton. Sin ki Tuhan in motaaubí mobogoi in kauntungan pinomayá momaké in intau mobayong andeka intau moyakag.”