IMAMAT 9:4 - Alkitab Singog In Mongondow Masa In Tanaa

⁴ Potabá in mosia moposumba doman in sapi koḷakian tobatú bo bembé koḷakian tobatú mobaḻí kuruban dodamean. Tua komintan in musti posumba monia kon i Tuhan poyotakinon in kuruban oḷudon inta pakéan in ḷana, sin kon singgai naa ki Tuhan mamangoi kon i monia.”

IMAMAT 9:4 ပူးပေါင်းရင်းမြစ်များ

IḶUAIAN 16:10

Koyogotpa in ki Harun nosingog kon i monia komintan, mosia nobobui kon padang gurun bo daḻídon inontong in sindar i Tuhan kon bonu in goḷom.

IḶUAIAN 19:11

Toumá mosia in musti nosadiadon. Kon singgai tatua Akuoi in moponagdon kon tudu in Buḷud Sinai, kon tampat inta motaau poindoian in intau mita kon i-Nakó.

IḶUAIAN 24:16

Sindar kinoangoian i Tuhan noiangoidon kon tudu in buḷud tatua bo inontong intau Israel intua naonda bo tuḷú inta dinumokot kon tudu in buḷud. Onom nosinggai koonggotnea goḷom tatua nongoḷob kon buḷud tatua, bo kon singgai noginpitu nongkon goḷom tatua ki Tuhan nogoiní kon i Musa.

IḶUAIAN 29:43

Kon tua Akuoi moyodungkuḷ in bangusa Israel, bo sindar in koangoian-Ku in mopotusi in tampat tatua.

YEHEZKIEL 43:2

bo kon tuata inontongku in nongkon dotá in pomukaan sindar mopouḻi-uḻinag inta nobaḻí tomponuot kon kinoangoian i Allah in Israel. Singog i Allah in kodongogan naonda bo singog in tubig kon dagat, bo dunia in moporia-riang popisí in sindar kinoangoian i Allah.

YEHEZKIEL 43:27

Naonda in mopaḷut in pitu nosinggai tatua, imang mita in musti momangkoidon moposumba kon tudu in mezbah tatua in kuruban payongon bo kuruban podamean kon umat. Dá mopiadon in gina-Ku kon i monimu komintan. Akuoi, ki Tuhan Inta Totok in moḷantud ain nosingog.”

IMAMAT 2:1

Aka oyúon intau moposumba in kuruban sosumba kon i Tuhan, yo kuruban tatua in ná tanaa: topong inta totok in mopia inta binutakan in ḷana zaitun bo binubudan in kamania in tudunea.

IMAMAT 3:1

Aka oyúon intau moposumba in sapi koḷakian tobatú sin pomiaan kuruban dodamean, dá sapi tatua motaaubí in koḷakian bo motaau doman in kobaayan, táe musti inta mopia totok.

IMAMAT 9:23

Onda intua ki Musa bo ki Harun sinumuot kon bonu in Ḷoḷaigan i Tuhan. Nopaḷut mako kon tua mosia iḻumuai bo nomarakat kon umat. Bo bayongan umat Israel nokoontong kon sindar kinoangoian i Tuhan.

IMAMAT 9:3

Bo potabádon in bangusa Israel moposumba in bembé koḷakian tobatú mobaḻí kuruban potobut kon dosa bo ki adí in sapi tobatú takin ki adí in domba tobatú inta tumpaḷa umurdon totaong bo inta mongopia sin baḻíon kuruban tubáan.

IMAMAT 9:5

Bayongan inta pinongoyow i Musa dinia monia kon tayowon in Ḷoḷaigan, bo bayongan umat noyosipun kon tua sin moibada kon i Tuhan.

IMAMAT 9:6

Bo ki Musa in noguman, “Ki Tuhan nopotabá nokiaid in naa kon i monimu sinbá moiko mokoontong kon sindar koangoian i Tuhan.”

PINOGIAPAN 14:10

Bayongan umat nonontot kon mogarab in batu kon i monia dapot in matoi. Táe daḻídon intau mita tatua nokoontong kon sindar i Tuhan nomuká kon ḻimonik in Ḷoḷaigan-Nea.

PINOGIAPAN 16:19

Onda intua ki Korah nosipun kon bayongan umat bo mosia sinimindog noyogintayow i Musa bo i Harun kon tayowon in Ḷoḷaigan i Tuhan. Daḻíbí in bayongan umat nokoontong kon sindar i Tuhan inta mokotuḷow.