IMAMAT 9:2 - Alkitab Singog In Mongondow Masa In Tanaa

² Guman i Musa kon i Harun, “Pogamádon kon sapi koḷakian batánea tobatú bo domba koḷakian tobatú, tumpaḷa mongopia. Posumbadon in mahaḷuk doyowa tatua kon i Tuhan, sapi koḷakian in posumba mobaḻí kuruban potobut kon dosa, bo domba koḷakian in kuruban tubáan.

IMAMAT 9:2 ပူးပေါင်းရင်းမြစ်များ

IḶUAIAN 29:1

“Nanaa in pododuí kon i Harun bo kon i adínea mita sinbá mosia motaaudon mogaid kon oaidan-Ku mobaḻí imang. Pogamádon kon sapi koḷakian tobatú inta batáneapa bo domba koḷakian doyowa inta totok in moḷunat.

YEHEZKIEL 29:1

Kon singgai impuḷú bodoyowá kon buḷan impuḷúnea, kon taong nogimpuḷú kon sempo in pinoḷumbúan kon inami, ki Tuhan in noguman kon inakó,

IMAMAT 1:10

Aka inta pinosumba tatua bo domba tobatú ande bembé, dá biag tatua musti koḷakian bo inta totok in mopia.

IMAMAT 1:3

Aka inta pinosumbanea tua bo sapi tobatú, dá biag tatua in musti koḷakian bo inta mopia totok. Sapi tatua musti diaannea pobayá in ngara in Ḷoḷaigan i Tuhan, sinbá koibog i Tuhan in intau tatua.

IMAMAT 16:3

Ki Harun motaau tumuot kon bonu in Yuang Totok Motusi aka sia moposumba in sapi koḷakian batánea mobaḻí kuruban potobut kon dosa bo domba koḷakian tobatú baḻíon kuruban tubáan.”

IMAMAT 16:5

Bo umat in Israel musti mobogoi in kon i Harun in bembé koḷakian doyowa inta pakéon kuruban potobut kon dosa bo inta bo domba koḷakian tobatú in pakéon kuruban tubáan.

IMAMAT 4:3

Aka inta dinosa tatua bo Imang Moḷoben, modapot in bangusa Israel in moitakin doman moitaḷá, dá sia musti mopokuruban in sapi koḷakian batánea tobatú inta mopia kon i Tuhan sinbá dosanea ampungandon.

IMAMAT 8:14

Nopaḷut mako kon tua ki Musa in nogamá kon sapi koḷakian batánea tobatú sin pakéon pokuruban potobut kon dosa. Ki Harun bo ki adínea mita mopoukat in ḻima monia kon uḷu in mahaḷuk tatua.

IMAMAT 8:18

Onda intua ki Musa mogamá kon domba koḷakian sin baḻíon kuruban tubáan, bo ki Harun takin ki adínea mita mopoukat in ḻima monia kon uḷu in domba tatua.

IMAMAT 9:3

Bo potabádon in bangusa Israel moposumba in bembé koḷakian tobatú mobaḻí kuruban potobut kon dosa bo ki adí in sapi tobatú takin ki adí in domba tobatú inta tumpaḷa umurdon totaong bo inta mongopia sin baḻíon kuruban tubáan.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

IBRANI 5:3

Lantaran sia bo nobayongpa doman in kalemahannea dá mustibí doman sia mobogoi in kuruban, bo kuruban tatua in deemanbí tongá potobut kon dosa mita in umat i Allah, táe dosaneabí doman tontaní.

IBRANI 7:27

Sia in diábí notongkai in imang mita moḷoben ibanea inta pomuḷoi in singgai musti moposumba in kuruban sin potobut kon bayongan taḷánea tontaní. Mopaḷut mako kon tua sia in moposumba doman in kuruban potobut kon dosa mita in umat. Ki Yesus in tongábí komintan noposumba in kuruban bo awak-Neabí tontaní in pinosumba-Nea saḷaku kuruban.