IMAMAT 9:18 - Alkitab Singog In Mongondow Masa In Tanaa

¹⁸ Bo iratánea domandon in sapi koḷakian tobatú bo domba koḷakian tobatú mobaḻí kuruban dodamean kon umat. Ki adí mita i Harun nobogoi in dugú in mahaḷuk tatua kon inia, bo sia in nopobutak kon sí opat in mezbah.

IMAMAT 9:18 ပူးပေါင်းရင်းမြစ်များ

IMAMAT 9:9

Ki adí mita i Harun nodia kon dugú in mahaḷuk tatua kon i Harun, bo sia nopoḷodokdon in gongguyamúnea kon dugú tatua, bo poḷat nopoḻepo kon tungoi mita inta kon siku opat in mezbah. Onda intua kiagat in dugú tatua pinopobutakneadon kon datoḷan in mezbah.

SURAT I PAULUS KON JAMAAT RUM 5:1

Tanaa kita in noyodamedon bui takin i Allah, sin kita in mopirisaya. Tuamai in koḻigai bá mobiag in kita kon bonu in dodamean takin i Allah inta podoyon kon pirisaya naton kon i Tuhan naton ki Yesus Kristus.

SURAT I PAULUS KON JAMAAT RUM 5:10

Sin tungkuḷpa in nobaḻí saturu i Allah in kita, kita pinoyodamedon takin-Nea inta pinodoyon kon kinopatoian i Adí-Nea, apa doman in tanaa naonda in hubungan naton takin i Allah notompiadon bui, tantú kita in posaḷamatonbí doman bui pongin kinobiagan i Kristus.

KOLOSE 1:20

Bo Sia doman tua inta pinaké i Allah namangoi nopoyodame kon bayongan in yagi-yagi takin-Nea, inta kon butá ande kon soroga. Tua in pinomia i Allah pinodoyon kon kinopatoian i Adí-Nea kon kayu pinoyotaḻempang.