IMAMAT 9:1 - Alkitab Singog In Mongondow Masa In Tanaa

¹ Tosinggai naonda in upacara pinomaḻían kon imang tatua nopaḷut, kon singgai noginwaḷu, ki Musa nogoiní kon i Harun bo kon i adínea mita takin itoi mita in bangusa Israel.

IMAMAT 9:1 ပူးပေါင်းရင်းမြစ်များ

IMAMAT 14:10

Kon singgai noginwaḷu intau tatua musti modia kon ki adí in domba koḷakian doyowa bo ki adí in domba kobaayan tobatú inta umurdon totaong inta totok in mopia. Koḻikud intua doman topong toḷu nokilo inta ain binauian in ḷana zaitun noyoḷomboi monag in liter.

IMAMAT 14:23

Bayongan sosumba tatua musti diaannea kon i imang kon tayowon ngara in Ḷoḷaigan i Tuhan kon singgai noginwaḷu upacara pondaritan kon awaknea.

IMAMAT 15:14

Kon singgai noginwaḷu sia in musti modia kon ḷagapan paḷoma doyowa inta moḻineapa ande moḻi in tarangkuku kon tayowon ngara in Ḷoḷaigan i Tuhan bo posarakannea kon i imang.

IMAMAT 15:29

Kon singgai noginwaḷu sia musti modia kon ḷagapan paḷoma doyowa inta moḻineapa ande moḻi in tarangkuku kon i imang kon tayowon ngara in Ḷoḷaigan i Tuhan.

IMAMAT 8:33

Kon bonu in pitu nosinggai moiko in diábí motaau in monaḷámai kon Ḷoḷaigan i Tuhan dapot in upacara pomaḻían imang kon inimu tatua mopaḷut.

IMAMAT 8:36

Bo ki Harun takin ki adínea mita nomiadon kon bayongan inta pinoki aid i Tuhan inta pinotaaunea kon i Musa.

PINOGIAPAN 6:10

Kon singgai noginwaḷu musti in sia modia mangoi kon doyowa in ḷagapan paḷoma andeka tarangkuku kon i imang kon ngara in Ḷoḷaigan i Tuhan.

MATIUS 28:1

Naonda in singgai in Sabat noitaḻibdon, subupa totok kon singgai dungkuḷ Diminggu tatua, ki Maria Magdalena bo ki Maria ibanea minayá in poḷoḷobongan tatua noindoi.