IMAMAT 8:9 - Alkitab Singog In Mongondow Masa In Tanaa

⁹ Bo pinopobogotneadon kon uḷu i Harun in bogot in uḷu, bo pinopotomot domandon kon bogot in uḷu tatua in ḷambá buḷawan, inta nobaḻí tanda kon ki Harun ain nobaḻí kapunyaan i Tuhan. Tua mita inaidan i Musa podudui in parenta i Tuhan kon inia.

IMAMAT 8:9 ပူးပေါင်းရင်းမြစ်များ

IḶUAIAN 28:4

Pokiaidai doman in mosia in oḻingoi in dodob, epod, jubah, ḷambung inta iḷambáan, kaeng suruban bo baan. Ki Harun ki guya-guyangmu takin ki adínea mita musti pogaidan monia kon pakeang imang sinbá mosia in motaau mobantung kon i-Nakó mobaḻí imang.

IḶUAIAN 29:6

Popobogotdon in surubannea tatua bo potomot domandon in ḷambá buḷawan takin pais kinurig ‘Tongá ogoi kon i Tuhan’.

IḶUAIAN 40:16

Inaidan i Musa in bayongan tatua pinodudui kon ná inta pinarenta i Tuhan.

IMAMAT 8:36

Bo ki Harun takin ki adínea mita nomiadon kon bayongan inta pinoki aid i Tuhan inta pinotaaunea kon i Musa.

ZAKHARIA 3:5

Sia in ḷagidon nopotabá kon mobobantungnea mita mopoḷutud serban inta nodarit kon uḷu i Yosua. Mosia in dinumudui bo onda intua pinopoḷutudon monia in ḷambung mobagu tatua kon inia koḷuka-ḷukad in malaekat i Tuhan.