IMAMAT 8:7 - Alkitab Singog In Mongondow Masa In Tanaa

⁷ Nopaḷut mako kon tua pinoḷutudneadon in ḷambung imang kon i Harun: kameja, togot in ogotan bo jubah. Epod doman inta pinopobogot kon ogotannea takin togotnea inta nongkon kaeng moaḷus.

IMAMAT 8:7 ပူးပေါင်းရင်းမြစ်များ

IḶUAIAN 28:2

Pomiaaidon kon pakeang imang in ki Harun, sinbá sia in koontongan mokobangkaḷ.

IḶUAIAN 28:4

Pokiaidai doman in mosia in oḻingoi in dodob, epod, jubah, ḷambung inta iḷambáan, kaeng suruban bo baan. Ki Harun ki guya-guyangmu takin ki adínea mita musti pogaidan monia kon pakeang imang sinbá mosia in motaau mobantung kon i-Nakó mobaḻí imang.

IḶUAIAN 29:5

Ḷutudaidon in pakeang imang in ki Harun: kameja, ḷambung epod, jubah inta moioḻingoi kon ḷambung epod, oḻingoi in dodob bo baan.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YESAYA 61:3

sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i Tuhan. Mosia in mogaidbí kon onu inta mopia bo mobanar, dá ki Tuhan in poḷantudon.

YEHEZKIEL 42:14

Aka imang mita mopaḷutdon mopobayá in oaidan kon Baḷoi Tuhan, bo moibog mayá in dangkuḷon kon dotá in ḷuai, dá pakeang inta ain sinantú pakéon kon dodai in mogundoi yo musti taḷaan monia kon gopot mita tatua. Mosia in mustibí momaké in ḷambung ibanea, bain tua bo motaau in mosia mayá in tampat inta pinoyosipunan in rayat.”

SURAT I PAULUS KON JAMAAT RUM 13:14

Pomayádon mako bá ki Tuhan Yesus Kristus in monantú kon onu in musti aidan monimu. Bo dika dumudui kon ibog in awak inta baradosa naa sin mopoorop in onu inta koibognea.

SURAT I PAULUS KON JAMAAT RUM 3:22

kon ki Allah in noibogbí noyopia bui takin intau, táe tua in nointotoibí kon pirisaya kon i Yesus Kristus. Tua inaidan i Allah kon bayongan intau inta mopirisaya kon i Kristus, sin Sia in diábí mopoyoposi kon intan:

GALATIA 3:27

Moiko komintan aindon binaptis pinodoyon kon tangoi i Kristus, dá sipat mita i Kristus oyúon bidon kon i monimu.

SAMUEL 1 2:28

Nongkon bayongan suku in Israel ain piniḻí-Ku in motoḷuadínea nobaḻí imang-Ku, sin mopobayá in oaidan kon mezbah, motubá kon dupa, bo mogiḷambung in ḷambung epod aka moyosingog takin-Ku. Bo kon i monia takin buí monia aindon inogoian-Ku in hak mogamá kon tongosilai nongkon kuruban sosumba inta sinubá kon mezbah.