IMAMAT 8:33 - Alkitab Singog In Mongondow Masa In Tanaa

³³ Kon bonu in pitu nosinggai moiko in diábí motaau in monaḷámai kon Ḷoḷaigan i Tuhan dapot in upacara pomaḻían imang kon inimu tatua mopaḷut.

IMAMAT 8:33 ပူးပေါင်းရင်းမြစ်များ

IḶUAIAN 29:30

Ki adí i Harun in mobaḻí imang tumoḷuan kon i amá monia bo tumuot kon Ḷoḷaigan-Ku sin mogaid kon ibada kon Yuang Motusi, musti momaké in pakeang tatua pitu nosinggai in koonggotnea.

IḶUAIAN 29:35

Upacara pomaḻían imang kon i Harun bo kon i adínea mita musti pomiaan pitu nosinggai in koonggotnea, ná inta ain pinoguman-Ku kon inimu.

IMAMAT 14:8

Onda intua intau tatua musti momatá kon pakeangnea, mokigonsing bodongka moinggú. Dá modaritdon in sia, bo motaaudon tumuot kon ḷoḷaigan, táe kon bonu in pitupa nosinggai bui sia in diápa motaau tumuot kon ḷoḷaigannea tontaní.

IMAMAT 15:13

Aka intau tatua mopia, dá sia musti mogoḷatpa pitu nosinggai in koonggotnea bui. Mopaḷut mako kon tua sia musti momatá kon pakeangnea bo moinggú kon bokaká, dá modaritdon in sia.

IMAMAT 8:34

Ki Tuhan noguman sinbá onu in inaidan monimu singgai naa yo umuran doman aidan monimu kon singgai moiduduimai. Aka mogaid kon upacara tatua dá dosa mita monimu in ampungandon.

PINOGIAPAN 19:12

Kon singgai nogintoḷu bo noginpitu sia in musti mopotusidon in awaknea takin tubig in upacara; bain tua bo modarit in sia. Táe aka kon singgai nogintoḷu bo singgai noginpitu diá in sia mondarit kon awak, yo sia in umuranpabí nonajis.