IMAMAT 8:31 - Alkitab Singog In Mongondow Masa In Tanaa

³¹ Onda intua ki Musa noguman kon i Harun bo kon i adínea mita, “Dungúdon in ponoyá kuruban tatua kon tayowon in ngara Ḷoḷaigan i Tuhan. Podudui in parenta i Tuhan, musti kaanon monimu kon tua takin roti kuruban pinomaḻían kon i monimu imang inta binonu kon kompé.

IMAMAT 8:31 ပူးပေါင်းရင်းမြစ်များ

IMAMAT 10:17

“Nongonu sin kuruban pinotobut kon dosa tatua diábí kinaan monimu kon tampat inta motusi? Kuruban tatua totokbí in motusi; Inogoi i Tuhan intua kon inimu, sinbá dosa in umat Israel ampungan.

IMAMAT 6:28

Kuyon butá inta pinaké pinotuonan kon ponoyá inta pokuruban tatua musti ḷosion. Aka kuyon uatoi in pinaké, dá kuyon tatua musti radatan bodongka daritan in tubig.

IMAMAT 7:15

Tapúnea musti kaanon kon dodai in mahaḷuk tatua pinosumba, topiḻikmai diábí motaau tonggagatan modapot in mobangon monik.

YOHANES 6:33

Sin roti inta inogoi i Allah in Siabí inta noponag nongkon soroga bo nobogoi in kobiagan kon intau kon dunia.”

YOHANES 6:35

Dá kai Yesus doman, “Akuoibí naa in roti inta mobogoi in kobiagan, intau mita inta mamangoi kon i-Nakó in diá bidon angoian bui in gogoy. Bo intau inta mopirisaya kon i-Nakó in diá bidon moyoga-yogang bui.

YOHANES 6:51

Akuoibí in roti inta noponag nongkon soroga, roti inta mobogoi in kobiagan. Intau inta mokaan kon roti tanaa in umuranbí mobiag. Roti inta ogoi-Ku kon kobiagan intau kon dunia naa in awak-Kubí.”

GALATIA 2:20

Tongá akuoi in nobiag, táe deeman bidon akuoi, sin ki Kristus bidon in naa kon awakku. Bo kobobiagku tanaa mako in kobobiag bidon inta pinodoyon kon pirisayaku kon i Adí i Allah inta notabi kon inakó, bo inta ain noposarakan in awak-Nea tontaní sin kopontinganku.