IMAMAT 8:25 - Alkitab Singog In Mongondow Masa In Tanaa

²⁵ Ki Musa mogamá kon ḷongó in domba tatua, iputnea inta oyúon in ḷongó, bayongan ḷongó inta noikoḷob kon bonu in siannea, tonsilai inta totok in mopia nongkon poatnea, kombiloinea takin ḷongónea bo sioḷnea koḷanan.

IMAMAT 8:25 ပူးပေါင်းရင်းမြစ်များ

IḶUAIAN 12:9

Ki adí in domba tatua musti angagon komintan, takin uḷu, sioḷ bo bonu in siannea. Kaandon in tapú inta ain inangag tatua, donaai kaanon diá moḷutú ande tuonon.

IḶUAIAN 29:13

Mopaḷut mako kon tua gamádon in bayongan ḷongónea inta noikoḷob kon bonu in siannea, bo inta totok in mopia nongkon podilat bo kombiloinea takin ḷongónea bo ukatdon intua komintan kon tudu in mezbah bo tubádon mobaḻí sosumba kon i-Nakó.

AMSAL 23:26

Tondudut kopira bo duduidon kon kobobiagku, adíku!

YESAYA 53:10

Ibogbí i Tuhan sia in kotugatan in roriga, bo moposarakan in kobiagan nobaḻí kuruban potobut kon dosa. Dá moumur in kobiagannea bo mokoontong kon buínea pongin inia ibog i Tuhan in koaidan.

IMAMAT 3:9

Aka pakéon kuruban dodamean kon i Tuhan, dá musti in ki imang moposumba in naa: ḷongó in domba tatua, iputnea takin ḷongónea inta pinongkó dapot in tuḷan nonoyannea, ḷongó inta noibakut kon bonu in siannea,

IMAMAT 8:24

Onda intua sia mopotabá kon i adí mita i Harun dimiug, bo ḻepoannea doman in dugú topiḻik kon bongoḷan monia koḷanan, kon ki iná in ḻima monia koḷanan, bo kon ki iná in sioḷ monia koḷanan. Kiagat in dugú tatua popobutaknea kon sí opat in mezbah.

IMAMAT 8:26

Nongkon kompé inta kon bonu in roti diá iragian inta ain pinosumba kon i Tuhan, ki Musa in nogamá kon roti tobatú inta mobunod inta pinomia binauian in ḷana bo tobatú doman in roti inta nonipit. Roti tatua inukatnea kon tudu in ḷongó bo páa koḷanan in domba.