IMAMAT 8:23 - Alkitab Singog In Mongondow Masa In Tanaa

²³ bodongka ratáan i Musa. Mopaḷut mako kon tua sia mogamá kon dugú in mahaḷuk tatua topiḻik, bo poḻeponea kon bongoḷan koḷanan i Harun, kon ki iná in ḻimanea koḷanan, bo ki iná in sioḷnea koḷanan.

IMAMAT 8:23 ပူးပေါင်းရင်းမြစ်များ

IḶUAIAN 29:20

Bo ratádon in domba koḷakian tatua, gamá in dugúnea topiḻik bo poḻepodon kon bongoḷan koḷanan i Harun bo i adínea mita, ḻepoai doman in ki iná in ḻima bo ki iná in sioḷ monia dotá in koḷanan. Ki agat in dugú tatua musti pobutakmu kon sí opat in mezbah tatua.

IḶUAIAN 29:21

Pogamá kon dugú topiḻik inta kon tudu in mezbah bo ḷana topiḻik inta pinaké kon upacara, bo pisikai in ki Harun bo ki adínea mita takin pakeang monia. Natuata in pogogaid sinbá ki Harun bo ki adínea mita takin pakeang monia tongádon pakéon mogaid kon oaidan-Ku.

IMAMAT 14:14

Ki imang in musti mogamá kon dugú adí in domba topiḻik bo poḻeponea kon bongoḷan koḷanan, kon ki iná in ḻimanea koḷanan bo kon ki iná in sioḷnea koḷanan in intau inta pinoniatadon kon nodarit tatua.

IMAMAT 14:17

Bo ḷana topiḻik inta kon ḻimanea musti poḻeponea kon tampat mita inta ain iḻepoannea in dugú, inta kon bongoḷan koḷanan, kon ki iná in ḻima koḷanan, bo ki iná in sioḷ koḷanan in intau inta poniata kon modarit.

IMAMAT 14:25

Bo ki imang musti moratá kon ki adí in domba tatua bo mopoḻepo in dugú topiḻik kon bongoḷan koḷanan, kon ki iná in ḻima koḷanan, bo kon ki iná in sioḷ koḷanan in intau inta poniata kon nodarit.

IMAMAT 14:28

Bo ḷana topiḻik inta kon ḻimanea musti poḻepo kon tampat mita inta ain iḻepoan in dugú, inta kon bongoḷan koḷanan, kon ki iná in ḻima koḷanan bo kon ki iná in sioḷ koḷanan in intau inta poniata kon nodarit.

IMAMAT 7:37

Natuata in atorang mita pogogaid kon kuruban inta tubáan, kuruban oḷudon, kuruban potobut kon dosa, kuruban toḻiu in karugian, kuruban ponabisan bo kuruban dodamean.

SURAT I PAULUS KON JAMAAT RUM 12:1

Utat mita! Ki Allah totok in mopia kon i naton. Manangka intua akuoi in mopoigum totok sinbá moiko moposumba in awakmu saḷaku sosumba inta nobiag sin kopontingan i Allah. Sosumba tatua in tongábí ogoi kon i Allah bo inta mokosanang kon gina-Nea. Tuabí in ibadamu inta sabanarnea.

SURAT I PAULUS KON JAMAAT RUM 6:13

Bo dika domandon posarakan in awakmu kon kawasa in dosa sin pakéonnea mogaid kon inta mongoraat. Táe posarakaidon in awakmu kon i Allah saḷaku intau inta ain pinamping nongkon kawasa in popatoi bo pinobayá in kawasa inta mokobiag. Posarakaidon in awakmu komintan kon i Allah sinbá pakéon mogaid kon onu in kinoibog-Nea.

SURAT I PAULUS KON JAMAAT RUM 6:19

Popisí in moiko nobodokpa, dá akuoi in moguman kon contoh tanaa sinbá mogampang komangaḻean monimu. Tungkuḷ intua moiko noposarakan in bayongan awak monimu saḷaku ata in mogaid kon soaḷ mita inta mongoromú bo moraat sin makusud doman moraat. Tuamai in natua doman in masai naa, posarakaidon in bayongan awakmu saḷaku ata mogaid kon inta kinoibog i Allah sin makusud mopia i Allah.

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

KORINTUS 1 6:20

Sin moiko nion in sinaḷui bidon i Allah, bo nodait-Nea bidon inuboḻian. Tuamai umurandon paké kopiraan sahingga in ki Allah in pomuliaan.

PILIPI 1:20

Inta totok in kinoibogku bo iharapku mako in bá diá mokoimontanmai in akuoi in diá mokopogaid kon oaidanku. Táe haraponku bá pomuḷoi mako, torutama totok in tanaa mako mobaranidon totok in akuoi sahingga in bayongan onu inta kon inakó – mobiag andeka matoi – ki Kristus in pomuliaan.

PILIPI 2:17

Matoikabí in akuoi sin mobaḻí kuruban in sambayangmu kon i Allah inta pinirisayamu, yo diábí moyaat in ginaku kon i monimu.

TESALONIKA 1 5:22

Bo mokopoyayú kon bayongan inta moraat.

IBRANI 2:10

Totuu kon patus bidon in ki Allah inta nomia kon bayongan in yagi-yagi mopobayá in onu inta imakusud-Nea tontaní. Binaḻí-Nea in ki Yesus mopoposaḷamat inta nosompurna pinodoyon kon daḷan inta totok in moyoyiga. Tua in daya i Allah sinbá mobayong intau in motaau oiníon-Nea mayá in tampat inta mopia totok takin i Yesus. Sin Siabí in nobuká kon daḷan kon i monia sinbá mosia in motaau posaḷamaton.

IBRANI 5:8

Umpaka ki Yesus Adí i Allah, táe nobalajardon in Sia nokopotoindudui pinongin in roriga inta ain kinorasaan-Nea.