IMAMAT 8:2 - Alkitab Singog In Mongondow Masa In Tanaa

² “Oinídon in ki Harun bo ki adínea mita bo diadon in pakeang imang, ḷana upacara, sapi koḷakian tobatú inta batánea sin baḻíon kuruban potobut kon dosa, domba koḷakian doyowa, bo tokompé in roti inta diá iragian.

IMAMAT 8:2 ပူးပေါင်းရင်းမြစ်များ

IḶUAIAN 28:1

“Oinídon in ki Harun ki guya-guyangmu takin ki adí mita ki Nadab, ki Abihu, ki Eleazer bo ki Itamar, potondídon in mosia sinbá motaau mobantung kon i-Nakó mobaḻí imang.

IḶUAIAN 28:40

Ki adí mita i Harun in pomiaai domandon kon ḷambung, baan bo suruban sinbá mosia mokobangkaḷ in koontongan.

IḶUAIAN 39:41

bo pakeang imang inta pakéon kon ibada kon dodai in mosia mogaid kon oaidan monia kon bonu in Yuang Motusi bo pakeang inta tongá sinantú kon i Harun bo kon i adínea mita.

IMAMAT 6:10

Naonda in kuruban tatua mobaḻí ḷobud, ki imang mogisoḷanádon in soḷana mopoḷok bo jubah inta nongkon kaeng linen, mustinea gamáan in ḷobud inta noyobauk in ḷongó tatua kon tudu in mezbah bo ukatonnea kon símai in mezbah.

IMAMAT 8:1

Ki Tuhan noguman kon i Musa,

IMAMAT 8:10

Bo ki Musa in nogamá kon ḷana upacara bo pinoḻeponea kon Ḷoḷaigan i Tuhan bo bayongan pakakatnea. Tua in moponiata kon bayongan in yagi-yagi aindon inogoi kon i Tuhan.

IMAMAT 8:18

Onda intua ki Musa mogamá kon domba koḷakian sin baḻíon kuruban tubáan, bo ki Harun takin ki adínea mita mopoukat in ḻima monia kon uḷu in domba tatua.

IMAMAT 8:22

Bo ki Musa in bui nogamá kon domba koḷakian tobatú ibanea sin baḻíon kuruban pomaḻían kon imang. Ki Harun bo ki adínea mita mopoukat in ḻima monia kon uḷu in domba tatua,

IMAMAT 8:3

Bo oinídon in bayongan umat Israel moyosipun kon tayowon ḷoḻingkop in Ḷoḷaigan-Ku.”

IBRANI 7:27

Sia in diábí notongkai in imang mita moḷoben ibanea inta pomuḷoi in singgai musti moposumba in kuruban sin potobut kon bayongan taḷánea tontaní. Mopaḷut mako kon tua sia in moposumba doman in kuruban potobut kon dosa mita in umat. Ki Yesus in tongábí komintan noposumba in kuruban bo awak-Neabí tontaní in pinosumba-Nea saḷaku kuruban.