IMAMAT 7:9 - Alkitab Singog In Mongondow Masa In Tanaa

⁹ Pomuḷoi in kuruban oḷudon inta sinubá kon bonu in tampat pototubáan ande dinungú kon bonu in rumping ande inta inangag, tua in nobaḻí silai i imang inta noposumba.

IMAMAT 7:9 ပူးပေါင်းရင်းမြစ်များ

DATU MITA 2 12:17

Kon dodai intua ki Hazael datu in Siria nonubu bo iḻitúannea in kotá in Gat. Bo moniatdon in sia monubu kon Yerusalem doman.

YEHEZKIEL 44:29

Mosia in mustibí mobiag nongkon sosumba gandum, kuruban potobut kon dosa, bo kuruban toḻiu in karugian; bo bayongan in yagi-yagi inta ain sinantú ogoi kon i-Nakó, in mustibí ogoi kon i monia.

IMAMAT 2:10

Kiagatnea in kon i imangdon mita. Roti tatua motusi totok sin ginamá nongkon kaanon inta ain pinosumba kon i Tuhan.

IMAMAT 5:13

Natuata in pogogaid i imang kon moposumba in kuruban mobaḻí tobutan in dosa intau tatua, dá intau tatua in ampungandon i Tuhan. Kiagat in topong tatua in nobaḻídon silai i imang, ná doman kon kuruban gandum.

IMAMAT 7:10

Táe kuruban oḷudon inta diá dinungú, pinomayá inta binauian in ḷana ande inta noingkag, tua mita nobaḻí silai in imang mita inta buí i Harun, bo mustibí silaion kotongkaion kon i monia.

IMAMAT 7:8

Kuḻit in biag tatua in nobaḻí domandon silai i imang.

PINOGIAPAN 18:9

Bo nongkon bayongan sosumba mita inta totok in motusi inta diá sinubá kon tudu in mezbah, inta moiduduimai naa in kon inimu: Kuruban oḷudon, kuruban potobut kon dosa bo kuruban toḻiu in karugian. Bayongan tua in sosumba motusi inta nobaḻí silaimu bo silai in adímu mita.

KORINTUS 1 9:13

Kinotaauanbí monimu kon intau inta mogaid kon bonu in Baḷoi i Allah, motarimabí in mosia kon kaanon kon bonu in Baḷoi i Allah doman tatua. Bo intau inta monompiamai kon tampat pororataan kon kuruban sosumba, mokouḻíbí doman in sia kon silainea nongkon kuruban inta pinosumba tatua.

KORINTUS 1 9:7

Diábí in tontara in mayá moparang bo umongkos tontaní! Bo diábí doman in monononggobá inta nomuḷa kon anggur táe diá mosipú kon bungainea! Bo diábí doman in intau inta nomiag kon domba bo diá monginum kon susu nongkon domba inta piniaranea tatua!

GALATIA 6:6

Intau inta notarima kon totundú i Kristus, musti mosilai doman kon i gurunea kon bayongan inta mopia, inta oyúon kon inia.