IMAMAT 7:37 - Alkitab Singog In Mongondow Masa In Tanaa

³⁷ Natuata in atorang mita pogogaid kon kuruban inta tubáan, kuruban oḷudon, kuruban potobut kon dosa, kuruban toḻiu in karugian, kuruban ponabisan bo kuruban dodamean.

IMAMAT 7:37 ပူးပေါင်းရင်းမြစ်များ

IḶUAIAN 29:1

“Nanaa in pododuí kon i Harun bo kon i adínea mita sinbá mosia motaaudon mogaid kon oaidan-Ku mobaḻí imang. Pogamádon kon sapi koḷakian tobatú inta batáneapa bo domba koḷakian doyowa inta totok in moḷunat.

IḶUAIAN 29:22

Gamádon ḷongó in domba koḷakian tatua, iputnea inta oyúon in ḷongó, gaipan ḷongó nongkon bonu in siannea, onu inta totok in mopia nongkon podilatnea, kombiloinea doyowa takin ḷongónea, bo paanea koḷanan.

IMAMAT 1:1

Nongkon Ḷoḷaigan-Nea, ki Tuhan nogoiní kon i Musa bo nopotaau in atorang mita tatua kon inia

IMAMAT 5:7

Táe aka intau inta kotaḷá tatua diá mokopooyúon kon domba ande bembé sin potobut kon dosanea, dá sia in mustidon modia kon ḷagapan tarangkuku togapang ande ḷagapan paḷoma moḻinea, tobatú in baḻíon kuruban potobut kon dosa, bo tobatú in baḻíon kuruban inta tubáan.

IMAMAT 6:20

naa in sosumba i Harun bo buínea mita, inta musti posumba monia kon i Tuhan kon dodai in mosia baḻíondon imang; Mosia in musti moposumba in topong gandum tokilo kon i Tuhan. Tongosilai kon tua musti posumbanea doḷo-doḷom bo kiagatnea in posumbanea wakutu in ḷoḷabungnea.

IMAMAT 8:22

Bo ki Musa in bui nogamá kon domba koḷakian tobatú ibanea sin baḻíon kuruban pomaḻían kon imang. Ki Harun bo ki adínea mita mopoukat in ḻima monia kon uḷu in domba tatua,

IMAMAT 8:23

bodongka ratáan i Musa. Mopaḷut mako kon tua sia mogamá kon dugú in mahaḷuk tatua topiḻik, bo poḻeponea kon bongoḷan koḷanan i Harun, kon ki iná in ḻimanea koḷanan, bo ki iná in sioḷnea koḷanan.