IMAMAT 7:35 - Alkitab Singog In Mongondow Masa In Tanaa

³⁵ Nongkon kaanon inta pinosumba kon i Tuhan, tuata in inogoinea kon i Harun bo kon i adínea mita kon singgai kon tungkuḷ in mosia baḻíondon imang.

IMAMAT 7:35 ပူးပေါင်းရင်းမြစ်များ

IḶUAIAN 28:1

“Oinídon in ki Harun ki guya-guyangmu takin ki adí mita ki Nadab, ki Abihu, ki Eleazer bo ki Itamar, potondídon in mosia sinbá motaau mobantung kon i-Nakó mobaḻí imang.

IḶUAIAN 29:1

“Nanaa in pododuí kon i Harun bo kon i adínea mita sinbá mosia motaaudon mogaid kon oaidan-Ku mobaḻí imang. Pogamádon kon sapi koḷakian tobatú inta batáneapa bo domba koḷakian doyowa inta totok in moḷunat.

IḶUAIAN 29:21

Pogamá kon dugú topiḻik inta kon tudu in mezbah bo ḷana topiḻik inta pinaké kon upacara, bo pisikai in ki Harun bo ki adínea mita takin pakeang monia. Natuata in pogogaid sinbá ki Harun bo ki adínea mita takin pakeang monia tongádon pakéon mogaid kon oaidan-Ku.

IḶUAIAN 29:7

Bo gamádon in ḷana pakéon kon upacara, pobutak intua kon uḷunea bo ḷoḷubuai in ḷana in sia.

YESAYA 10:27

Kon tungkuḷ intua Akuoi in mopoḷuatdon kon i monimu nongkon pinondorotan in Asyur, bo mosia in diá bidon mongawasa kon i monimu.”

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

IMAMAT 8:30

Nopaḷut mako kon tua ki Musa nogamá kon tongosilai in ḷana upacara bo tongosilai nongkon dugú inta kon tudu in mezbah, bo pinopo pisiknea kon i Harun bo kon i adínea mita takin pakeang monia. Tua in pinomia i Musa sin mopotondí kon i monia bo ḷambung monia ogoi kon i Tuhan.

YOHANES 3:34

Sin ki ine in pinotabá i Allah, dá siabí tua in mopoyaput in pirman i Allah, sin sia in kinawasa bidon in Roho i Allah.

KORINTUS 2 1:21

Sin ki Allahbí in tantú nobogoi in ropot kon inami bo kon i monimu, sahingga in tantú notobatú i Kristus; bo Siabí doman tua inta nomiḻí kon i naton mobaḻí umat inta kinotabi-Nea.

YOHANES 1 2:20

Táe moiko in notarimadon kon Roho i Allah inta ain inogoi i Yesus Kristus, manangka intua moiko in nonotaaudon kon totundú mita inta nobanar.

YOHANES 1 2:27

Táe aka soaḷ moiko nion ain bidon inogoian i Kristus in Roho-Nea. Bo kon dodai in Roho tatua mongawasapa kon i monimu, diá bidon paraḷu in intau ibanea in motundú kon i monimu, sin Roho bidon tatua in motundú kon bayongan yagi-yagi kon i monimu. Bo onu in tundúon-Nea totuubí intua deemanbí tongá uboḷ. Tuamai tantúdon dudui kon onu inta ain sinundú-Nea tua kon i monimu bo umurandon kobiag motobatú takin i Kristus.

SAMUEL 1 2:28

Nongkon bayongan suku in Israel ain piniḻí-Ku in motoḷuadínea nobaḻí imang-Ku, sin mopobayá in oaidan kon mezbah, motubá kon dupa, bo mogiḷambung in ḷambung epod aka moyosingog takin-Ku. Bo kon i monia takin buí monia aindon inogoian-Ku in hak mogamá kon tongosilai nongkon kuruban sosumba inta sinubá kon mezbah.