IMAMAT 7:30 - Alkitab Singog In Mongondow Masa In Tanaa

³⁰ Sia tontaní in musti modia kon kuruban kaanon tatua. Ḷongó bo dodob in mahaḷuk tatua musti posumba mobaḻí sosumba inta sinonoi kon i Tuhan.

IMAMAT 7:30 ပူးပေါင်းရင်းမြစ်များ

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

IMAMAT 10:14

Táe iko bo ki adímu mita ḷoḷaki bo bobay motaaubí in mokaan kon dodob in mahaḷuk inta nongkon sosumba inta sinonoi bo páa nongkon sosumba inta pinonangoi. Tuata in silai in imang mita nongkon kuruban dodamean in bangusa Israel. Motaaubí kaanon monimu intua kon bayongan tampat inta diá monajis.

IMAMAT 10:15

Páa inta kon sosumba pinonangoi bo dodob inta kon sosumba sinonoi tatua musti diaan poyotakinon in ḷongó inta baḻíon kuruban tubáan mobaḻí sosumba ponangoi kon i Tuhan. Tua mita in nobaḻíbí silaimu bo i adímu mita dapot kon ompu mita, ná inta ain pinotaau i Tuhan.”

IMAMAT 3:14

Aka kuruban kokaanon ogoi kon i Tuhan, yo imang musti mogamá kon naa nongkon bembé tatua bo posumba: ḷongó inta noibakut kon bonu in siannea,

IMAMAT 3:9

Aka pakéon kuruban dodamean kon i Tuhan, dá musti in ki imang moposumba in naa: ḷongó in domba tatua, iputnea takin ḷongónea inta pinongkó dapot in tuḷan nonoyannea, ḷongó inta noibakut kon bonu in siannea,

IMAMAT 8:27

Bayongan tua inukatnea kon ḻima i Harun bo kon ḻima i adínea mita, bo pinosumba monia nobaḻí sosumba inta sinonoi kon i Tuhan.

IMAMAT 8:29

Bo ki Musa in nogamá kon dodob in domba tatua bo pinosumbanea mobaḻí sosumba tonoion kon i Tuhan. Tuata in silai i Musa nongkon domba koḷakian inta pinokuruban kon upacara pinomaḻían kon imang. Tua komintan inaidan i Musa notongkai ná inta ain pinoguman i Tuhan kon inia.

IMAMAT 9:20

kon tudu in dodob in mahaḷuk tatua, bo sinubá i Harun kon tudu in mezbah.

IMAMAT 9:21

Dodob bo páa koḷanan in mahaḷuk tatua pinosumbanea nobaḻí sosumba tonoion kon i Tuhan. Tua in nobaḻí silai in imang mita, ná inta ain pinoguman i Tuhan kon i Musa.

PINOGIAPAN 6:20

Bo ki imang musti moguman kon kaanon tatua in nobaḻídon oogoi inta ain sinantú kon i Tuhan; tua in silai motusi inta nobaḻí silai i imang, dodob bo paa in domba koḷakian tua in nobaḻí silai i imang podudui in atorang. Bain mopaḷut mako kon tua nazir tatua motaaudon monginum kon tubig in anggur.

PINOGIAPAN 8:11

bo intau mita in Lewi tatua musti posumba i Harun mobaḻí sosumba inta sinantú nongkon intau Israel kon i-Nakó, sinbá mosia in motaau mogaid kon oaidan-Ku.

YOHANES 10:18

Diábí tobatúmai in motaau mogamá nongkon i-Nakó. Akuoi in moposarakan intua, poduduibí in ibog tontaní. Akuoi in kokawasabí moposarakan intua, bo kokawasabí mogamá bui. Tuabí in oaidan inta sinarima-Ku nongkon i Amá-Ku.”

KORINTUS 2 8:12

Aka gina monimu bo motuḻidbí in mobogoi, dá tarimaanbí i Allah onu inta inogoi monimu tua, asaḷ bo onu inta inogoi monimu tua, pinodoyon kon onu inta oyúon kon i monimu, deemanbí pinodoyon kon onu inta diá in kon i monimu.

ULANGAN 18:3

Aka intau tobatú moposumba in kuruban sapi ande domba, dá paanea kon muna, ayoi bo sian in bobiagon tatua musti ogoi kon i imang mita sin mobaḻí tonsilai monia.