IMAMAT 7:21 - Alkitab Singog In Mongondow Masa In Tanaa

²¹ Aka intau tobatú nokaan kon ponoyá inta pinokuruban tatua bo mopaḷut mako kon tua sia moḻiai kon inta monajis, pinomayá kon intau ande inta nongkon mahaḷuk, dá sia doman in diádon poyoiapon anggota in umat i Tuhan.

IMAMAT 7:21 ပူးပေါင်းရင်းမြစ်များ

KINOBAḺIAN 17:14

Bayongan in ḷoḷaki inta diá sinoit diá bidon moituot kon anggota in umat-Ku sin sia in diá kinumadai kon dodandian tatua.”

IḶUAIAN 12:15

Ki Tuhan noguman, “Pitu nosinggai in koonggotnea moiko diá motaau mokaan kon roti inta iragian. Kon singgai dungkuḷ bayongan in ragi musti poḷuaion nongkon baḷoimu, sin aka kon bonu in pitu nosinggai tatua intau tobatú mokaan kon roti inta iragian, yo sia in diá bidon motaau poyoiapon tombonu in umat-Ku.

YEHEZKIEL 33:25

Tuamai in ki Tuhan Inta Totok in moḷantud in nopotabá kon inakó nopotaau in koyow-Nea tanaa kon i monia, “Moiko in nokaan kon ponoyá inta oyúonpa in dugúnea; moiko in nosumba kon berhala bo noḻimod. Mokobaḻíbí totok in moiko in mongaku kon butá tanaa moiko in kitogi.

YEHEZKIEL 4:14

Táe akuoi in notubag, “Kaasí Tuhan Inta Totok in moḷantud! Pinangkoipamai kon mointokan nodapot in tanaa, diápa kon dodai in onda in akuoi in noponajis in awakku pinongin nokaan kon mahaḷuk inta minatoi andeka ki agat in mahaḷuk inta mokokaan kon mahaḷuk ibanea. Diábí kon dodai in onda in akuoi in nokaan kon kaanon inta iharam.”

IMAMAT 11:20

Bayongan mahaḷuk kokoḻikipan inta kumuá in mayá, tua in harambí

IMAMAT 12:1

Ki Tuhan nobogoi kon i Musa in atorang mita tanaa

IMAMAT 17:10

Aka intau Israel ande intau ango-angoi inta nogutundon notantú kon sigad intau Israel nokaan kon dugú, yo sia hukumon i Tuhan bo diádon poyoiapon anggota in umat i Allah.

IMAMAT 17:14

Nyawa in bayongan mahaḷuk in kon dugúneabí, tuamai in diá ogoi i Tuhan in bangusa Israel mokaan kon dugú. Bayongan intau inta mogaid kon onu inta ilarang tatua yo sia in diádon poyoiapon anggota in umat i Allah.

IMAMAT 18:29

Kinotaauan monimu kon ki ine in momia kon oaid inta mokorongó tatua diá bidon poyoiapon anggota in umat i Allah.

IMAMAT 19:8

Ki ine in mokaan kon tapú tatua yo kotaḷá sin diá moguntu kon onu inta ain sinantú kon i-Nakó. Intau tatua diá bidon iniap-Ku anggota in umat-Ku.

IMAMAT 20:3

Intau inta mopokuruban in adínea kon i Molokh, moponajis in Ḷoḷaigan-Ku bo mopoompámai kon tangoi-Ku inta motusi. Hukumon-Ku in sia bo diádon poyoiapon-Ku anggota in umat-Ku.

IMAMAT 22:3

Aka tobatú nongkon buímu inta monajis bo dimiug kon sosumba mita inta motusi inta ain sinantú in bangusa Israel kon i-Nakó, dá sia tua in diá bidon motaau mogaid kon oaidan kon mezbah. Atorang tanaa diaan modapot kon adí bo ompu. Akuoi in ki Tuhan.

IMAMAT 22:4

Intau tobatú nongkon buí i Harun inta kinotugatan in panyaki kuḻit inta mokobahaya, ande panyaki kon dodiaan dapot in oyúon ḷumoḷayat, sia tua in diábí motaau mokaan kon sosumba aka diápa poniata kon nodaritdon. Imang tobatú mobaḻí monajis aka sia moḻiai kon inta monajis sin noḻiai kon intau minatoi. Sia in monajis doman aka buḻenea ḷumuai,

IMAMAT 23:29

Ki ine in mokaan kon onuka kon singgai tatua, yo diá bidon iapon anggota in umat i Allah.

IMAMAT 7:20

Aka intau inta mokaan kon ponoyá tatua bo dodai intua monajis, dá sia diádon pinoyoiap anggota umat i Tuhan.

IMAMAT 7:22

Ki Tuhan nobogoi kon i Musa in atorang mita tanaa

IMAMAT 7:25

Intau inta mokaan kon ḷongó in mahaḷuk inta motaau posumba mobaḻí kuruban kaanon kon i Allah, yo intau tatua in diá bidon poyoiapon umat i Tuhan.

IMAMAT 7:27

Ki ine in ḻimimpat kon atorang tatua yo diá bidon iniap umat i Tuhan.

PINOGIAPAN 19:22

Barang inta iḻiai in intau inta nonajis tatua nobaḻí doman nonajis, bo intau ibanea inta noḻiai nobaḻí doman monajis modapot in mata in singgai tumoyop.

ULANGAN 14:10

Mahaḷuk inta nobiag kon tubig táe diá kokokapoi bo diá kogunap tua in harambí, dá diábí motaau kaanon.

ULANGAN 14:3

“Dika mokaan kon mahaḷuk inta pinoniata i Tuhan kon haram.

SAMUEL 1 20:26

Táe ki Saul in tongábí kibio-biómai in singgai tua, sin irainea, “Oyúon degá in nobaḻí kon inia, dá sia in diá notusi podudui in agama.”