IMAMAT 7:2 - Alkitab Singog In Mongondow Masa In Tanaa

² Mahaḷuk inta pakéon kon kuruban tatua musti ratáan kon tampat pororataan kon mahaḷuk inta baḻíon kuruban tubáan, bo dugúnea in popobutak kon sí opat in mezbah.

IMAMAT 7:2 ပူးပေါင်းရင်းမြစ်များ

YESAYA 52:15

Táe tanaa nobayong in bangusa in binaḻínea nongoherang, datu mita nongobió popisí in noitongau. Mosia in mokoontong bo momangaḻe, inta dungkuḷmai diá kinotaauan monia.”

YEHEZKIEL 36:25

Mopaḷut mako kon tua moiko in pisikan-Ku in tubig inta mosilang, sinbá modaritdon nongkon bayongan in berhalamu bo nongkon bayongan yagi-yagi inta ain nokokotor kon i monimu.

YEHEZKIEL 40:39

Kon yuang moḷoben tatua, oyúon in meja opat, tododoyowa kon batúan in sínea. Kon tudu in meja mita tatuata ratáan in mahaḷuk inta baḻíon kuruban payongon, andeka kuruban potobut kon dosa andeka kuruban toḻiu in karugian.

IMAMAT 1:11

Intau tatua musti moratá kon biag tatua kon dotá in utuan mezbah, bo imang mita musti mopobutak in dugúnea kon sí opat in mezbah tatua.

IMAMAT 1:3

Aka inta pinosumbanea tua bo sapi tobatú, dá biag tatua in musti koḷakian bo inta mopia totok. Sapi tatua musti diaannea pobayá in ngara in Ḷoḷaigan i Tuhan, sinbá koibog i Tuhan in intau tatua.

IMAMAT 1:5

Onda intua sapi tatua musti ratáan kon tayowon ngara in Ḷoḷaigan. Dugúnea musti posumba in imang mita inta buí i Harun kon i Tuhan, bodongka popobutak kon sí mita in mezbah inta opat tatua kon tayowon ngara in Ḷoḷaigan.

IMAMAT 14:13

Ki adí in domba tatua musti ratáannea kon tampat inta ain sinantú poratáan kon mahaḷuk inta pakéon pokuruban potobut kon dosa bo kuruban inta tubáan. Domba tatua musti ratáan kon tua sin kuruban toḻiu in karugian bo kuruban potobut kon dosa tua in totokbí in motusi bo nobaḻí silai i imang.

IMAMAT 3:2

Intau inta moposumba intua musti mopoukat in ḻimanea kon tudu in biag tatua bodongka ratáannea kon tayowon ngara in Ḷoḷaigan i Tuhan. Imang mita buí i Harun musti mopobutak in dugú in sapi tatua kon sí opat in mezbah.

IMAMAT 3:8

Kon tua in sia bo musti mopoukat in ḻimanea kon uḷu in domba tatua bodongka ratáannea kon tayowon in Ḷoḷaigan. Bo imang musti mopobutak in dugú in domba tatua kon sí opat in mezbah.

IMAMAT 4:24

Sia in musti mopotudu in ḻimanea kon uḷu in mahaḷuk tatua, bodongka ratáan kon dotá in utuan mezbah, tampat pororataan kon kuruban inta tubáan.

IMAMAT 4:29

Sia in musti mopoukat in ḻimanea kon uḷu in mahaḷuk tatua, bodongka ratáannea kon dotá in utuan mezbah tampat pororataan kon mahaḷuk inta pokuruban mobaḻí kuruban tubáan.

IMAMAT 4:33

Sia in musti mopotudu in ḻimanea kon uḷu in mahaḷuk tatua, bodongka ratáannea kon dotá in utuan mezbah, tampat pororataan kon mahaḷuk inta mobaḻí kuruban tubáan.

IMAMAT 5:16

Intau tatua musti moguboḻi kon onu inta koḻipod kinoḻiongannea, bo dugangan in doyowa nopuḷú noporsen. Onda intua sia in musti mobogoi in mahaḷuk tatua kon i imang, bo ki imang in mopokuruban intua mobaḻí tobutan in dosa intau tatua, dá intau tatua ampungandon i Tuhan.

IMAMAT 5:7

Táe aka intau inta kotaḷá tatua diá mokopooyúon kon domba ande bembé sin potobut kon dosanea, dá sia in mustidon modia kon ḷagapan tarangkuku togapang ande ḷagapan paḷoma moḻinea, tobatú in baḻíon kuruban potobut kon dosa, bo tobatú in baḻíon kuruban inta tubáan.

IMAMAT 5:9

Dugú in ḷagapan tatua musti popopisik kon bingkí mita in mezbah, bo kiagatnea in musti romputon poḷuai kon datoḷan in mezbah mobaḻí kuruban potobut kon dosa.

IMAMAT 6:25

mopotaau kon i Harun bo kon i adínea mita in atorang mita tanaa soaḷ kuruban potobut kon dosa. Mahaḷuk inta baḻíon kuruban potobut kon dosa musti ratáan kon tampat pororataan kon mahaḷuk inta nobaḻí kuruban tubáan. Kuruban tatua motusi totok.

IMAMAT 6:7

Ki imang mopokuruban intua potobut kon dosa intau tatua, dá intau tatua in ampungandon i Tuhan.

PINOGIAPAN 6:12

bo monoimbagu kon poposarakan in awaknea mobaḻí intau tobatú nazir. Singgai mita inta ain kinotaḻiban diá bidon poyoiapon popisí in sia ain nobaḻí nonajis. Bo inta mobaḻí kuruban toḻiu in karugian sia in musti moposumba in adí in domba tobatú inta umurdon totaong.

IBRANI 11:28

Popisí in nopirisaya, dá ki Musa in nomia doman kon Paska bo nokipisik doman in dugú kon ḷoḻingkop mita in baḷoi in intau Israel sinbá diá ḻimodon in Malaekat Maut in ki adí mita monia guya-guyang.

IBRANI 12:24

Moiko in namangoi sinumayow kon i Yesus, tonsigad in dodandian inta mobagu tua; moiko in sinumayow kon dugú pinomisik inta nojamin kon soaḷ mita inta mopia-pia nongkon onu inta jinamin in dugú i Habel.