IMAMAT 7:19 - Alkitab Singog In Mongondow Masa In Tanaa

¹⁹ Tapú inta kinotugatan in inta monajis musti tubáan modait bo diábí motaau kaanon. Tapú inta mobaḻí kuruban dodamean tongábí motaau kaanon in intau mita inta diá monajis.

IMAMAT 7:19 ပူးပေါင်းရင်းမြစ်များ

IMAMAT 6:27

Ki ineka ande onuka in moiḻiai kon tapú in biag tatua yo mokouḻíbí kon bodito sin popisí in ropot in kototusinea. Aka ḷambung tobatú kotugatan dugú in mahaḷuk inta pinopopisik tatua, dá ḷambung tatua musti batáan kon tampat inta ain sinantú.

IMAMAT 7:18

Táe aka kon singgai nogintoḷu bo ponoyá tatua kaanonpa doman, dá kuruban tatua in diá bidon tarimaan bo diádon mobaḻí barakat kon intau tatua, sedang bo mobaḻíbí poton. Intau inta mokaan kon tua mobaḻídon kotaḷá bo musti motarima kon akibatnea.

IMAMAT 7:20

Aka intau inta mokaan kon ponoyá tatua bo dodai intua monajis, dá sia diádon pinoyoiap anggota umat i Tuhan.

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

OUMAN IN RASUL MITA 10:28

Bo sia in noguman kon i monia, “Utat mita, kinotaauan bidon monimu kon ilarangbí in agama Yahudi in mamangoi mokipodungkuḷ andeka moyobayat in intau mita ibanea. Táe aindon pinoguman i Allah kon inakó kon diábí in motaau monganggap kon ibanea tua in najis andeka haram.

SURAT I PAULUS KON JAMAAT RUM 14:14

Popisí in akuoi bo notobatúdon i Tuhan Yesus, dá mopirisayabí totok in akuoi kon diábí in tobatúmai monajis. Soaḷ tatua najis podudui intau tobatú, aka tua inanggapnea najis.

SURAT I PAULUS KON JAMAAT RUM 14:20

Ḷukadaibí sinbá diá tongá soaḷ kokaanon, iko momoguyaat kon onu inta ain inaidan i Allah. Komintan kaanon diábí in pinoton, motaaubí modait kaanon, táe aka onu in kinaanmu tua mokopopisí kon intau ibanea baradosaan, dá iko in kotaḷá.

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.

TITUS 1:15

Bayongan in yagi-yagi in nodaritbí aka kon intau mita inta nodarit in raian. Táe aka kon i monia inta raian mokotor bo inta diá mopirisaya kon i Tuhan, yo diábí in tobatúmai in modarit, sin raian bo gina monia in komintan domandon mokotor!