IMAMAT 7:18 - Alkitab Singog In Mongondow Masa In Tanaa

¹⁸ Táe aka kon singgai nogintoḷu bo ponoyá tatua kaanonpa doman, dá kuruban tatua in diá bidon tarimaan bo diádon mobaḻí barakat kon intau tatua, sedang bo mobaḻíbí poton. Intau inta mokaan kon tua mobaḻídon kotaḷá bo musti motarima kon akibatnea.

IMAMAT 7:18 ပူးပေါင်းရင်းမြစ်များ

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

YESAYA 65:4

Kon tungkuḷ in doḷom mosia in mayá in angob mita bo poḷoḷobongan sin mopoigum in tonggina mita in dimukud mita. Mosia in mokaan kon tapú in boké bo monginum kon tubig mita in ponoyá inta poton.

YESAYA 66:3

Táe bangusa tatua in mogaid kon onu in koibog monia; mopia in gina monia kon pooibada inta mokorongó. Kon i monia diábí in yoposinea: mopokuruban in sapi koḷakian bo mopokuruban in intau, mopokuruban in ki adí in domba bo momutoḷ kon sigogow in ungkú; moposumba in gandum bo mopokuruban in dugú in boké, motubá kon kamania bo mosumba kon patong.

YEREMIA 14:10

Aka kon bangusa tatua ki Tuhan in noguman, “Diá mopia in gina-Ku kon intau mita tatua inta moibog moḷagui kon i-Nakó, bo doí monahang kon gina. Diábí koḻiongan-Ku in taḷá monia, hukumon-Kubí in mosia popisí in dosa monia.”

YEREMIA 14:12

Umpakabí in mosia mopuasa, doíbí in Akuoi moindoimai kon kuani monia mokituḷung; bo umpakabí in mosia moposumba kon i-Nakó in kuruban payongon bo kuruban gandum, yo diábí mosanang in gina-Ku kon i monia. Noyotoḻikudon kon tua, yopúon-Kubí in mosia in parang, in gogoy, bo in yampoi.”

YEHEZKIEL 18:20

Intau inta nomia kon dosa, siabí in matoi. Adí in diábí umuran mobaba kon bungai in aid moitaḷá i amánea; ná doman tua amá in diábí doman mobaba kon bungai in dosa mita i adínea. Intau mopia in mokouḻíbí kon tontuḻí inta mopia popisí in aidnea inta mopia. Bo intau moraat in motarimabí doman kon roriga popisí in aidnea inta moraat.

HOSEA 8:13

Mosia in moibog moposumba in kuruban kon i-Nakó, bo mokaan kon ponoyá pinokuruban tatua, táe Akuoi ki Tuhan, in diábí moibog kon kuruban mita tatua. Tanaa in toropon-Kudon in dosa monia bo mohukum kon i monia popisí in dosa mita tatua; Akuoi in mokidiabí bui kon i monia pobui kon Mesir!

IMAMAT 10:17

“Nongonu sin kuruban pinotobut kon dosa tatua diábí kinaan monimu kon tampat inta motusi? Kuruban tatua totokbí in motusi; Inogoi i Tuhan intua kon inimu, sinbá dosa in umat Israel ampungan.

IMAMAT 10:19

Tubag i Harun, “Totuubí kon singgai naa umat Israel aindon noposumba in kuruban potobut kon dosa bo kuruban tubáan kon i Tuhan. Umpaka natua, bodito tanaa aindon noiantug kon inakó. Aka kuma kon singgai naa akuoi mokaan doman kon kuruban potobut kon dosa tatua, yo degá mopia in gina i Tuhan?”

IMAMAT 11:41

Bayongan mahaḷuk inta maya-mayá mako kon tudu in butá, pinomayá inta ḷumandai, inta kosioḷ opat ande mobayong in sioḷnea, tua in harambí bo diábí motaau kaanon.

IMAMAT 17:16

Aka diá aidannea in tua, yo sia in musti mobaba kon akibatnea.

IMAMAT 19:5

Aka moiko moposumba in mahaḷuk mobaḻí kuruban dodamean, duduiaidon in atorang mita inta inogoi-Ku, sinbá kuruban tatua tarimaan-Ku.

IMAMAT 20:17

Aka ḷoḷaki tobatú mosiug takin i bobaynea ande takin ki bobaynea inta toamáan táe noyoposi kon iná ande toináan táe noyoposi kon amá, dá mosia tua in diádon iapon umat-Ku. Mosia aindon nomia kon oaid inta moraat totok bo musti motarima kon bungai in oaidnea.

IMAMAT 20:19

Aka ḷoḷaki tobatú moniug kon bobay inta pokuináannea, dá taya dua tua musti motanggung kon bungai in oaid monia tontaní tatua.

IMAMAT 22:16

takin mopomayá mako intua kaanon in intau inta diá motaau mokaan kon tua. Oaid tatua mokopomuká kon taḷá kon intau inta mokopoangoi kon hukuman kon inia. Akuoi naa in ki Tuhan, bo Akuoi in nopotusi kon sosumba tatua.”

IMAMAT 22:23

Inta baḻíon kuruban ibog tontaní monimu motaaubí in moposumba in mahaḷuk inta diá notompod in kaadaannea; táe aka moguboḻi kon dandi, mahaḷuk natua diábí tarimaan.

IMAMAT 22:25

Biag inta nouḻí nongkon intau ango-angoi diábí motaau posumba mobaḻí kuruban kaanon. Mahaḷuk tatua inanggap nobogit bo diábí motaau tarimaan.

IMAMAT 5:17

Aka intau tobatú diá sinumuod in nogaid kon dosa bo noiḷautdon nogaid kon onu inta ilarang kon parenta i Tuhan tobatú, intau tatua kotaḷá bo musti motanggung kon akibatnea.

IMAMAT 7:19

Tapú inta kinotugatan in inta monajis musti tubáan modait bo diábí motaau kaanon. Tapú inta mobaḻí kuruban dodamean tongábí motaau kaanon in intau mita inta diá monajis.

AMOS 5:22

Aka moiko modia kon kuruban payongon bo kuruban gandum, diábí tarimaan-Ku. Akuoi in doíbí motarima kon bobiagonmu mita inta nongoḷomumu tua inta pinosumbamu kon i-Nakó saḷaku kuruban dodamean.

MALEAKHI 1:10

Ki Tuhan Inta Totok in mokawasa in noguman, “Mopia-piabí kon ḻingkopan-Ku in ngara in Baḷoi-Ku, sin diábí in mangaḻenea in moiko monontuḷú kon tudu in mezbah-Ku. Doíbí in Akuoi kon i monimu, bo doíbí in Akuoi motarima kon sosumbamu.

MALEAKHI 1:13

Iko in moguman, ‘Mobúdon in kita kon bayongan intua’, bo moiko in mopoompámaidon kon i-Nakó. Moiko in modia mangoi kon biag inta sinakowmu, biag inta noḻempeng andeka inta notakit sin posumba kon i-Nakó. Kai monimu kamai dá tarimaan-kubí in sosumbamu tatua?

PINOGIAPAN 18:27

Sosumba inta sinondí tatua inanggap notongkai in sosumba gandum mobagu bo tubig in anggur mobagu.

LUKAS 16:15

Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

SURAT I PAULUS KON JAMAAT RUM 4:11

Sia in sinunat bambí noiduduimai, tongá sunatnea tatua in tongábí saḷaku tanda kon sia ain sinarima i Allah saḷaku intau inta mokosanang kon gina-Nea, popisí in mopirisaya kon i Allah. Sia in sinarima i Allah kon wakutu in diápa dinumudui kon atorang in sunat tatua. Bo ki Abraham in nobaḻí guyanga in bayongan intau inta mopirisaya kon i Allah, bo popisí intua, dá sia sinarimadon i Allah saḷaku intau inta mokosanang kon gina-Nea, umpakabí mosia in diá sinunat.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

PETRUS 1 2:24

Ki Kristusbí tontaní in notanggung kon dosa mita naton. Tua mita in sinanggung-Nea kon tudu in Kayu pinoyotaḻempang, sinbá kita in moipilatdon kon bonu in kawasa in dosa, bo mobiagdon podudui in ibog i Allah. Kekeb-Neabí mita tatua inta mokopia kon i monimu.