IMAMAT 7:17 - Alkitab Singog In Mongondow Masa In Tanaa

¹⁷ Aka kon singgai nogintoḷu bo oyúonpa in ki agatnea, dá ki agatnea tatua musti daiton tubáan.

IMAMAT 7:17 ပူးပေါင်းရင်းမြစ်များ

KINOBAḺIAN 22:4

Kon singgai intoḷunea kon binayáan inontongdon i Abraham in tampat tatua nongkon moyayú.

IḶUAIAN 12:10

Dika taḷaan topiḻikmai in tapú tatua modapot in doḷo-doḷom; aka oyúon in kiagatnea, musti tubáan kopayongon.

IḶUAIAN 19:11

Toumá mosia in musti nosadiadon. Kon singgai tatua Akuoi in moponagdon kon tudu in Buḷud Sinai, kon tampat inta motaau poindoian in intau mita kon i-Nakó.

IḶUAIAN 29:14

Tapú, kuḻit bo kompong in sapi koḷakian tatua musti tubáan kon ḷuai in ḷoḷaigan. Tuata in nobaḻí sosumba potobut kon dosa in imang mita.

IḶUAIAN 29:34

Aka mobangon monik bo oyúonpa in ki agat in ponoyá ande roti tatua, dá kiagatnea tatua musti tubáan modait, bo diábí motaau kaanon, sin ain pinotontaní.

HOSEA 6:2

Kon bonu in doyowa andeka toḷu nosinggai naa Sia in monompiabí kon i naton, bo kita in mobiagbí kon siungon-Nea.

IMAMAT 10:16

Onda intua ki Musa in noḻibó soaḷ bembé inta baḻíon kuruban potobut kon dosa. Pinotaaudon kon inia kon bembé tatua aindon sinubá. Aid tatua nokopomuká kon torú i Musa kon i Eleazer bo kon i Itamar, bo sia noḻibó kon i monia,

IMAMAT 19:6

Tapúnea musti kaanon kon singgai pinoratáan ande mobangon monik. Tapúnea inta ki agatnea nodapot kon singgai nogintoḷu musti daiton tubáan,

IMAMAT 19:7

sin nobaḻídon haram intua. Aka tapú tatua kaanonpa doman, yo kuruban tatua diábí tarimaan-Ku.

KORINTUS 1 15:4

Sia ain iḷobong, táe onda intua biniag bui kon singgai intoḷunea. Natua doman in pinais kon bonu in Buk Motusi.