IMAMAT 7:16 - Alkitab Singog In Mongondow Masa In Tanaa

¹⁶ Aka intau tobatú modia kon kuruban dodamean sin mogintompod kon dandinea, ande kuruban inta nomuká nongkon ginanea tontaní, diá bidon musti kodaiton kaanon kon singgai doman tatua. Ibanea in motaaubí kaanon mobangon monik.

IMAMAT 7:16 ပူးပေါင်းရင်းမြစ်များ

MAZMUR 116:14

Akuoi in mogintompodbí kon dandiku kon i-Nia kon tayowon in bayongan in umat-Nea.

MAZMUR 116:18

Akuoi in mogintompodbí kon dandiku kon i Tuhan, kon tayowon in bayongan in umat-Nea

MAZMUR 66:13

Akuoi in modiabí kon kuruban payongon kon Baḷoi-Mu bo mogintompod kon dandiku kon ini-Mu,

IḶUAIAN 35:29

Bayongan in intau Israel takin ibog monia tontaní nodia kon sosumba monia kon i Tuhan sin pakéon pogaid kon oaidan tatua inta pinotaau i Tuhan kon i Musa.

AMSAL 7:14

“Singgai naa akuoi in musti moguboḻi kon dandiku, dá akuoi in noposumbadon in kuruban.

YEHEZKIEL 46:12

Aka pongawasa moibog mobogoi in sosumba ibog in ginanea tontaní kon i Tuhan, pinomayá kuruban payongon andeka kuruban pondamean, dá bonawang dotá in pomukaan inta mopobayá in palas dotá in bonunea in mustibí bukatan sin tuotannea. Sia in mustibí moposumba in kuruban tatua ná inta pinogogaidnea kon singgai in Sabat, táe naonda in sia mobui, bonawang tatua in mustibí ḷagi ḻingkopan bui.”

IMAMAT 22:23

Inta baḻíon kuruban ibog tontaní monimu motaaubí in moposumba in mahaḷuk inta diá notompod in kaadaannea; táe aka moguboḻi kon dandi, mahaḷuk natua diábí tarimaan.

IMAMAT 22:29

Aka moiko moposumba in kuruban mobaḻí sukur kon i Tuhan, aidaidon intua podudui in atorang, sinbá kurubanmu tarimaan.

IMAMAT 23:38

Poramean mita tatua nobaḻí dugang kon singgai mita in Sabat biasa, dá sosumba mita tatua in nobaḻí doman dugang kon onu inta inogoimu inta biasamai, kon kurubanmu sin motobut kon onu inta ain dinandimu, ande kuruban monginibog inta inogoi monimu kon i Tuhan.

NAHUM 1:15

Indoiaika, in totabá tobatú mamangoi mongin buḷud mita, modia kon habar mopia, habar kountungan. Ei bangusa in Yohuda, ramedon in singgai moḷobenmu bo uboḻiaidon in dandimu kon i Allah. Butámu in diá bidon tonggataan in intau moraat. Mosia in irimumudon komintan.

PINOGIAPAN 15:3

Pakéon kon kuruban payongon andeka kuruban poguboḻi kon dandi andeka kuruban ibog tontaní andeka kuruban kon porayaan inta biasa, motaaubí in moiko moposumba kon i Tuhan: sapi koḷakian, domba koḷakian, domba andeka bembé. Rongingi in kuruban tatua mokosanang kon gina i Tuhan.

ULANGAN 12:11

Onda intua ki Tuhan Allahmu momiḻí kon tampat tobatú inta motaau posumbaan kon i-Nia. Kon tuata in musti monimu bayáan bo modia kon bayongan inta ain pinogumanku, tuata in kuruban payongon bo kuruban mita ibanea, sosumba mopuḷú noporosen bo sosumba inta pinonangoi inta pinodandimu kon i Tuhan.

ULANGAN 12:17

Kon tampat pogogutunanmu diábí motaau in moiko mokaan kon sosumba mopuḷú noporosen nongkon gandummu, anggurmu, ḷana zaitunmu, sapi ande bembé dombamu inta muna pinogadí, kuruban poguboḻi kon dandimu, kuruban ibogmu tontaní ande sosumba ibanea.

ULANGAN 12:26

Bayongan kuruban bo sosumba inta ain pinodandi monimu kon i Tuhan, musti diaan monimu kon tampat inta ain piniḻí i Tuhan.

ULANGAN 12:6

Kon tampat tatuata in podiaan monimu kon kuruban payongon takin kuruban mita ibanea, sosumba mopuḷú noporosenmu takin sosumba mita ibanea, kuruban poguboḻi kon dandimu, kuruban ibogmu tontaní bo adí in sapi bo bembé dombamu inta muna pinogadí.