IMAMAT 7:14 - Alkitab Singog In Mongondow Masa In Tanaa

¹⁴ Nongkon noyagi-yagimai in roti tongosilai in musti posumba kon i Tuhan, bo tua in nobaḻí silai i imang inta nogamá kon dugú in mahaḷuk tatua bo nopobutak kon mezbah mobaḻí kuruban dodamean.

IMAMAT 7:14 ပူးပေါင်းရင်းမြစ်များ

IMAMAT 6:26

Imang inta moposumba in kuruban tatua musti mokaan kon tua kon tampat inta ain sinantú, kon bosí in Ḷoḷaigan i Tuhan.

PINOGIAPAN 18:19

Bayongan sosumba inta ain sinondí in intau mita in Israel kon i-Nakó, in umuran-Kubí ogoi kon inimu bo kon i adímu mita ḷoḷaki bo bobay. Atorang tanaa umuranbí pakéon modapot kon adí mita bain ompu bo mobaḻí togot in dodandian inta diá motaau inggamáan kon sigad-Ku bo kon inimu takin buímu.”

PINOGIAPAN 31:29

Popoabatdon intua kon i Imang Eleazar mobaḻí sosumba inta sinondí kon i-Nakó, ki Tuhan.

PINOGIAPAN 31:41

Bo ki Musa nopoabatdon in sosumba inta ain sinondí tua kon i Imang Eleazar sin posumba kon i Tuhan, ná inta ain pinarenta i Tuhan.

KORINTUS 1 10:18

Tarukiraka in intau mita in Israel. Mosia inta ain nokaan kon kaanon inta ain pinosumba kon tampat pobobogoian kon sosumba, in intaubí mita inta ain notobatú in tampat tatua.

ULANGAN 18:8

Sia in mustibí motarima kon kaanon inta motongkai in kobayongnea ná imang mita ibanea; onu in nouḻínea nongkon koluarganea, nobaḻí doman tonsilainea.”