IMAMAT 7:13 - Alkitab Singog In Mongondow Masa In Tanaa

¹³ Koḻikud intua musti posumba doman roti inta iragian.

IMAMAT 7:13 ပူးပေါင်းရင်းမြစ်များ

YEREMIA 33:11

Táe kon tampat mita tatua in kodongoganbí bui in singog ḷunganga bo pia in gina takin dowawá in ponikaan. Kodongoganbí doman in dondong in intau mita inta nodia kon kuruban sukur kon Baḷoi-Ku. Mosia in mogumanbí, ‘Posukurdon kon i Tuhan Inta Totok in mokawasa, sin mopia in Sia bo tabi-Nea in mononoi.’ Butá tanaa in baḻíon-Kubí mobiag motompia ná dungkuḷ. Akuoi, ki Tuhan, ain noguman.”

IMAMAT 2:12

Nongkon bungai in boyó inta ḷontú pomuḷoi in taong, tongosiḷai in musti posumba kon i Tuhan, táe diábí motaau in tubáan kon tudu in mezbah.

IMAMAT 23:17

Pomuḷoi in motoḷuadí musti moposumba in roti doyowa mobaḻí sosumba tonoion kon i Tuhan. Roti mita in musti pomiaan nongkon topong moaḷus doyowa nokilo inta ragian bo musti ogoi kon i Tuhan mobaḻí sosumba in bungai in boyó inta muna.

IMAMAT 23:18

Poyotakinon in roti tatua bangusa Israel musti moposumba in adí in domba pitu inta umur totaong, sapi koḷakian batánea tobatú bo bembé doyowa. Dikabí inta nobogit bo musti posumba mobaḻí kuruban payongon kon i Tuhan, takin kuruban oḷudon bo kuruban tubig in anggur. Rongingi in kuruban tatua mokosanang kon gina i Tuhan.

AMOS 4:5

Kumudungdon in moposumba in roti saḷaku sukurmu kon i-Nakó, bo kumudungdong in umambungangaḷ kon moiko in nodugangdon nodia kon sosumba! Notantú bidon kon tuata in kinoibog monimu aidan!

MATIUS 13:33

Onda intua ki Yesus nongonguman doman kon poumpamaan nanaa kon i monia. “Aka ki Allah mamangoi momarenta, yo ná umpama ragi inta ginamá in bobay, bo pinobauk kon topong torigu opat nopuḷú noliter nodapot in kinumutad komintan!”

TIMOTIUS 1 4:4

Bayongan inta pinomia i Allah tua in mopiabí, bo diábí tobatúmai in motaau anggapon haram aka tua komintan tarimaan naton takin mopoyaput in sukur kon i Allah.