IMAMAT 6:4 - Alkitab Singog In Mongondow Masa In Tanaa

^4-5 Intau inta kotaḷá tatua in musti moguboḻi bui kon bayongan inta ain nouḻínea takin oaid diá mojujur. Kon dodai in sia kinotaauandon kon ain nogaid kon inta noitaḷá, dá sia in mustibí moguboḻi kon tua mita kon i toginea, bo dugangan in doyowa nopuḷú noporsen.

IMAMAT 6:4 ပူးပေါင်းရင်းမြစ်များ

KINOBAḺIAN 21:25

Táe nopaḷut mako kon tua oyúon in nokomanasaḷ kon i Abraham soaḷ ki Abimelek popisí in parigí tobatú inta ain inagow in bobantung mita i datu tatua.

NEHEMIA 5:11

Dá moiko in mustibí doman momopat kon boḻi mita in rayat kon inimu tua, pinomayá doit andeka gandum, andeka anggur andeka ḷana in zaitun. Ḷagidon pobui in gobá monia tudunea, gobá in anggur, gobá in zaitun bo baḷoi monia!”

AYUB 20:19

Sin sia in mondorot bo mopomayá mako kon intau inta diá koonu bo onu; sia in mogagow kon baḷoi mita inta deeman sia in noposindog.

AYUB 24:2

Oyúon in intau in momamping kon sigad, sinbá butánea in mooḷad. Mosia in monakow kon paanan in domba, bo ḷantungon monia kon ḷantung in domba monia.

YEHEZKIEL 18:12

Sia in monombuḻitokmai kon intau bogá, mogagow, mogamá kon pakakat mita inta nobaḻí tontogot in boboḻian kon inia. Sia in mayá kon kuil mita in intau inta diá nonotaau kon i Tuhan bo nosumba kon berhala inta mokorongó.

YEHEZKIEL 18:18

Noyoḻiudon kon tua ki amánea inta moibog monombuḻitok bo mogagow bo momia kon inta moraat ibanea, in matoibí popisí in dosa mita inta pinomianea tontaní.

YEHEZKIEL 18:7

Sia in diábí kon dodai in onda in nonombuḻitok andeka nogagow. Pakakat mita inta nobaḻí tontogot in boboḻian kon inia umuranbí pobuionnea. Intau inta ginogoi inogoiannea in kaanon bo intau inta diá koḷambung inogoiannea in ḷambung.

YEHEZKIEL 44:19

Aka mosia bo mayá in palas kon ḷuai, inta kon tampat pinoyosipunan in umat, yo imang mita tatua in mustibí moḷongkut kon ḷambung dinas monia kon bonu in gopot mita motusi kon Baḷoi-Ku, bo momaké in ḷambung ibanea, sinbá ḷambung inta ain sinantú tatua in diá mokobodito kon umat.

IMAMAT 24:18

Ki ine in moḻimod kon biag in intau ibanea musti monoḻiu. Dodoyonan kon tua in ‘nyawa toḻiuan in nyawa’.

IMAMAT 24:21

Ki ine in moḻimod kon biag in intau musti monoḻiu, táe ki ine in moḻimod kon intau musti hukumon dapot in matoi.

IMAMAT 4:12

dá tua mita koḻikudbí in tongosilai inta ain pinotondí, tua in musti diaan kon ḷuai in ḷoḷaigan. Kon tampat tatua sapi tatua musti tubáan kon tudu in kayu ponontuḷú kon tampat poḷumbúan kon ḷobud, tampat inta sinuodbí inaidan natua.

AMOS 3:10

Ki Tuhan in noguman, “Intau mita tatua nomonu kon komaḻig monia in pakakat mita inta inagow takin aid moḻingá. Nodapot in mosia totokbí in diá mojujur.

MIKHA 2:2

Aka mosia moibog in gobá, yo agowon monia. Aka moibog in mosia in baḷoi tobatú, yo tuoton monia. Pinomayá kapunyaan andeka motoḷuadí, diábí in moaman.

ZEPANYA 1:9

Akuoi in mohukumbí kon bayongan in intau noibada naonda bo intau inta diá nonotaau kon i-Nakó, bo inta nonakow poḷat noḻimod sin momonu kon baḷoi i tuang monia takin pakakat mita inta inagow.”

MALEAKHI 1:13

Iko in moguman, ‘Mobúdon in kita kon bayongan intua’, bo moiko in mopoompámaidon kon i-Nakó. Moiko in modia mangoi kon biag inta sinakowmu, biag inta noḻempeng andeka inta notakit sin posumba kon i-Nakó. Kai monimu kamai dá tarimaan-kubí in sosumbamu tatua?

PINOGIAPAN 5:7

dá intau tatua musti mongaku kon dosanea bo mobogoi kon bayongan tontobutnea, poḷat dugangan in doyowa nopuḷú noporsen, kon intau inta pinoruginea.