IMAMAT 6:26 - Alkitab Singog In Mongondow Masa In Tanaa

²⁶ Imang inta moposumba in kuruban tatua musti mokaan kon tua kon tampat inta ain sinantú, kon bosí in Ḷoḷaigan i Tuhan.

IMAMAT 6:26 ပူးပေါင်းရင်းမြစ်များ

IḶUAIAN 40:33

Kon ḻibu in Ḷoḷaigan bo mezbah tatua inoḻingoian i Musa in ḻeag, bodongka binambénea in toḻipoi ngara in bosínea. Dá noḷapatdon oaidan mita tatua.

YEHEZKIEL 42:13

Ḷoḷaki tatua in noguman kon inakó, “Baḷoi doyowa tatua in motusi. Kon tua, imang mita inta motaau tumayow kon koangoian i Tuhan, mokaan kon kuruban mita inta totok in motusi. Kon tua in musti doman pogukatan kon kuruban mita inta totok in motusi, tuata: kuruban gandum bo kuruban potobut kon dosa andeka kuruban toḻiu in karugian.

YEHEZKIEL 46:20

bo moguman, “Kon tampat tanaa imang mita musti motuon kon kuruban potobut kon dosa bo kuruban toḻiu in karugian bo motubá kon kuruban gandum, sinbá topiḻikmai nongkon kuruban inta motusi tatua diá diaan kon palas kon ḷuai modapot in mokobodito kon rayat,”

HOSEA 4:8

Moiko in mobaḻí mooyúon popisí in dosa in umat-Ku, tuamai in ibogon monimu sinbá mosia in umuran mogaid kon dosa.

IMAMAT 6:16

Topong inta ki agatnea musti aidan roti inta diá ragian bo kaanon in imang mita kon tampat inta ain sinantú, inta kon bosí in Ḷoḷaigan Tuhan. Tuata in nobaḻí silai in imang mita inta inogoi i Tuhan kon i monia nongkon kuruban kaanon. Kaanon tatua motusi totok, naonda bo kuruban potobut kon dosa bo kuruban toḻiu in karugian.

IMAMAT 6:29

Bayongan ḷoḷaki kon bonu in baḷoi imang motaaubí mokaan kon kaanon intau pinokuruban bo inta totok in motusi tatua.

IMAMAT 7:7

Aka kuruban potobutan kon dosa bo kuruban toḻiu in karugian notongkai in atorangnea: Tapú in biag inta pokuruban in nobaḻí silai i imang inta noposumba.

KORINTUS 1 9:13

Kinotaauanbí monimu kon intau inta mogaid kon bonu in Baḷoi i Allah, motarimabí in mosia kon kaanon kon bonu in Baḷoi i Allah doman tatua. Bo intau inta monompiamai kon tampat pororataan kon kuruban sosumba, mokouḻíbí doman in sia kon silainea nongkon kuruban inta pinosumba tatua.