IMAMAT 6:19 - Alkitab Singog In Mongondow Masa In Tanaa

¹⁹ Ki Tuhan nobogoi in atorang mita tanaa kon i Musa

IMAMAT 6:19 ပူးပေါင်းရင်းမြစ်များ

IḶUAIAN 29:2

Pomiadon nongkon topong torigu inta totok in mopia, roti moḻimbung inta diá iragian. Tosilai in musti aidan roti baukan in ḷana zaitun, tosilai doman in diá baukan in ḷana, bo ki agatnea in pomiaan kukis inta ḻepoan in ḷana.

YEHEZKIEL 42:13

Ḷoḷaki tatua in noguman kon inakó, “Baḷoi doyowa tatua in motusi. Kon tua, imang mita inta motaau tumayow kon koangoian i Tuhan, mokaan kon kuruban mita inta totok in motusi. Kon tua in musti doman pogukatan kon kuruban mita inta totok in motusi, tuata: kuruban gandum bo kuruban potobut kon dosa andeka kuruban toḻiu in karugian.

IMAMAT 10:18

Dugú in bembé tatua diá dinia pinobayá in Ḷoḷaigan i Tuhan, dá sabanarnea in mustibí kaanon monimu in kuruban tatua kon tua ná inta ain pinogumanku.”

IMAMAT 6:18

Bayongan in ḷoḷaki nongkon buí i Harun musti mokaan kon tua; tua in nobaḻí atorang mononoi kon i monimu dapot kon adí bo ompumu; tuata in nobaḻí silai monia nongkon kaanon inta ain pinosumba kon i Tuhan. Intau ibanea inta moḻiai kon kaanon inta ain pinokuruban tatua, in mobodito sin popisí in kototusinea.

IMAMAT 6:20

naa in sosumba i Harun bo buínea mita, inta musti posumba monia kon i Tuhan kon dodai in mosia baḻíondon imang; Mosia in musti moposumba in topong gandum tokilo kon i Tuhan. Tongosilai kon tua musti posumbanea doḷo-doḷom bo kiagatnea in posumbanea wakutu in ḷoḷabungnea.

IMAMAT 6:9

mopotaau kon i Harun bo kon i adínea mita in atorang mita tanaa soaḷ kuruban inta daiton tubáan. Ki imang musti mogukat kon kuruban tubáan kon tudu in mezbah bo pomayánea mako kon tua tonggobii tua, bo tuḷúnea in mustibí umuran modokot.

PINOGIAPAN 18:27

Sosumba inta sinondí tatua inanggap notongkai in sosumba gandum mobagu bo tubig in anggur mobagu.

PINOGIAPAN 18:9

Bo nongkon bayongan sosumba mita inta totok in motusi inta diá sinubá kon tudu in mezbah, inta moiduduimai naa in kon inimu: Kuruban oḷudon, kuruban potobut kon dosa bo kuruban toḻiu in karugian. Bayongan tua in sosumba motusi inta nobaḻí silaimu bo silai in adímu mita.