IMAMAT 6:18 - Alkitab Singog In Mongondow Masa In Tanaa

¹⁸ Bayongan in ḷoḷaki nongkon buí i Harun musti mokaan kon tua; tua in nobaḻí atorang mononoi kon i monimu dapot kon adí bo ompumu; tuata in nobaḻí silai monia nongkon kaanon inta ain pinosumba kon i Tuhan. Intau ibanea inta moḻiai kon kaanon inta ain pinokuruban tatua, in mobodito sin popisí in kototusinea.

IMAMAT 6:18 ပူးပေါင်းရင်းမြစ်များ

IḶUAIAN 29:37

Aidai intua muḷoi in singgai kon bonu in pitu nosinggai. Dá mezbah modaritdon komintan; onukabí in moitugat kon mezbah tatua musti posarakan kon i Tuhan, bo ki inekabí in moḻiai, mokouḻí kon bodito popisí in ropot in kototusinea.”

IMAMAT 3:17

Intau in Israel diábí motaau mokaan kon ḷongó ande dugú. Atorang tatua pakéon dapot kon adí bo ompu monia bo musti duduian in bayongan intau Israel kon ondaka in pogutunan monia.

IMAMAT 4:24

Sia in musti mopotudu in ḻimanea kon uḷu in mahaḷuk tatua, bodongka ratáan kon dotá in utuan mezbah, tampat pororataan kon kuruban inta tubáan.

IMAMAT 4:3

Aka inta dinosa tatua bo Imang Moḷoben, modapot in bangusa Israel in moitakin doman moitaḷá, dá sia musti mopokuruban in sapi koḷakian batánea tobatú inta mopia kon i Tuhan sinbá dosanea ampungandon.

IMAMAT 4:33

Sia in musti mopotudu in ḻimanea kon uḷu in mahaḷuk tatua, bodongka ratáannea kon dotá in utuan mezbah, tampat pororataan kon mahaḷuk inta mobaḻí kuruban tubáan.

IMAMAT 6:10

Naonda in kuruban tatua mobaḻí ḷobud, ki imang mogisoḷanádon in soḷana mopoḷok bo jubah inta nongkon kaeng linen, mustinea gamáan in ḷobud inta noyobauk in ḷongó tatua kon tudu in mezbah bo ukatonnea kon símai in mezbah.

IMAMAT 6:19

Ki Tuhan nobogoi in atorang mita tanaa kon i Musa

IMAMAT 6:27

Ki ineka ande onuka in moiḻiai kon tapú in biag tatua yo mokouḻíbí kon bodito sin popisí in ropot in kototusinea. Aka ḷambung tobatú kotugatan dugú in mahaḷuk inta pinopopisik tatua, dá ḷambung tatua musti batáan kon tampat inta ain sinantú.

IMAMAT 6:29

Bayongan ḷoḷaki kon bonu in baḷoi imang motaaubí mokaan kon kaanon intau pinokuruban bo inta totok in motusi tatua.

IMAMAT 7:6

Bayongan intau ḷoḷaki kon bonu in baḷoi imang mita motaaubí mokaan kon ponoyá inta pinokuruban tatua, táe tua musti kaanon monia kon tampat inta ain sinantú, sin kuruban tatua motusi totok.

PINOGIAPAN 18:10

Tua in motusi kon inimu, dá musti kaanon doman monimu kon tampat inta motusi. Tongábí ḷoḷaki in motaau mokaan kon tua.

PINOGIAPAN 18:8

Ki Tuhan noguman kon i Harun, “Pokotorop! Bayongan in sosumba inta ain sinantú kon i-Nakó inta diá sinubá yo tua in kon inimu. Tuata in nobaḻí tonsilaimu inta ain sinantú modapot kon adí bo ompu. Tua in ogoi-Ku kon inimu bo kon buímu.

KORINTUS 1 9:13

Kinotaauanbí monimu kon intau inta mogaid kon bonu in Baḷoi i Allah, motarimabí in mosia kon kaanon kon bonu in Baḷoi i Allah doman tatua. Bo intau inta monompiamai kon tampat pororataan kon kuruban sosumba, mokouḻíbí doman in sia kon silainea nongkon kuruban inta pinosumba tatua.

PETRUS 1 1:16

Kon bonu in Buk Motusi in pinais nanaa: “Kotusibí in moiko, sin Akuoi in motusi.”

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.