IMAMAT 6:10 - Alkitab Singog In Mongondow Masa In Tanaa

¹⁰ Naonda in kuruban tatua mobaḻí ḷobud, ki imang mogisoḷanádon in soḷana mopoḷok bo jubah inta nongkon kaeng linen, mustinea gamáan in ḷobud inta noyobauk in ḷongó tatua kon tudu in mezbah bo ukatonnea kon símai in mezbah.

IMAMAT 6:10 ပူးပေါင်းရင်းမြစ်များ

MAZMUR 20:3

Igumon mako potabá-Nea mangoi in mototuḷung nongkon Baḷoi-Nea, bo motuḷung nongkon Tombuḷud in Sion.

MAZMUR 37:20

Táe intau moraat in moyopúbí, musung i Tuhan in moinggamábí naonda bo bungang kon rawang, mosia in mobuḻibí kon bonu in poyok.

YEHEZKIEL 44:19

Aka mosia bo mayá in palas kon ḷuai, inta kon tampat pinoyosipunan in umat, yo imang mita tatua in mustibí moḷongkut kon ḷambung dinas monia kon bonu in gopot mita motusi kon Baḷoi-Ku, bo momaké in ḷambung ibanea, sinbá ḷambung inta ain sinantú tatua in diá mokobodito kon umat.

IMAMAT 1:13

Bo intau tatua musti mondarit kon bonu in sian bo páa in biag tatua. Onda intua imang musti moposumba intua komintan kon i Tuhan, bo tubáannea kon tudu in mezbah. Rongingi in kuruban tatua mokosanang kon gina i Tuhan.

IMAMAT 1:9

Bo intau tatua musti mondarit kon bonu in sian takin paa in sapi tatua, bo imang inta mogaid kon oaidan tatua musti motubá kon tua mita. Rongingi in kuruban sinubá tatua mokosanang kon gina i Tuhan.

IMAMAT 16:4

Moiduduimai kon tua ki Harun musti monarukira kon atorang mita tanaa. Kon tungkuḷ in sia diápa tumuot kon Yuang inta Totok in Motusi sia musti moinggúpa muna bodongka momaké in pakeang imang, inta ḷambung, soḷana mopoḷok, baan bo bogot in uḷu, inta komintan nongkon kaeng linen.

IMAMAT 2:11

Kuruban sosumba inta inogoi kon i Tuhan diábí motaau in bauian biluk ande ragi, sin biluk bo ragi, diábí motaau tubáan sin posumba kon i Tuhan.

IMAMAT 21:22

Táe sia in motaaubí mokaan kon kaanon inta pinosumba, pinomayá kuruban kaanon inta motusi ande kuruban kaanon inta totok in motusi.

IMAMAT 4:12

dá tua mita koḻikudbí in tongosilai inta ain pinotondí, tua in musti diaan kon ḷuai in ḷoḷaigan. Kon tampat tatua sapi tatua musti tubáan kon tudu in kayu ponontuḷú kon tampat poḷumbúan kon ḷobud, tampat inta sinuodbí inaidan natua.

IMAMAT 6:11

Mopaḷut mako kon tua sia musti momaḷuidon kon pakeang bodongka modia kon ḷobud tatua kon ḷuai in ḷoḷaigan, pobayá in tampat inta ain sinantú potagúan kon tua.

IMAMAT 6:18

Bayongan in ḷoḷaki nongkon buí i Harun musti mokaan kon tua; tua in nobaḻí atorang mononoi kon i monimu dapot kon adí bo ompumu; tuata in nobaḻí silai monia nongkon kaanon inta ain pinosumba kon i Tuhan. Intau ibanea inta moḻiai kon kaanon inta ain pinokuruban tatua, in mobodito sin popisí in kototusinea.

IMAMAT 6:22

Buí i Harun inta binaḻídon Imang Moḷoben in mustibí umuran moposumba in kuruban tatua. Tua komintan musti tubáan sin mobaḻí sosumba kon i Tuhan.

IMAMAT 8:2

“Oinídon in ki Harun bo ki adínea mita bo diadon in pakeang imang, ḷana upacara, sapi koḷakian tobatú inta batánea sin baḻíon kuruban potobut kon dosa, domba koḷakian doyowa, bo tokompé in roti inta diá iragian.

PINOGIAPAN 16:21

“Undokdon in moiko nongkon intau mita tanion; Yopúon-Kudon in mosia nion tanaa doman mako.”

PINOGIAPAN 16:35

Bo ki Tuhan nopoangoi in tuḷú inta nomokak kon doyowa nogatut bo ḻima nopuḷú in intau inta noposumba in dupa tatua.

WAHYU 19:14

Bayongan tontara in soroga dinumudui kon i-Nia; mosia in sinumakoi kon kabaḷo mita nobudó, bo nomaké in ḷambung moaḷus inta totok in nobudó.

WAHYU 19:8

Pakeang moaḷus mobudó inta mopouḻi-uḻinag inogoidon kon i-Nia sin pakéon.” (Pakeang moaḷus tatua in oaidbí mita mopia inta pinomia in umat mita i Allah.)

WAHYU 7:13

Bo tobatú in intau nongkon sigad in itoi mita tatua in noḻibó kon inakó: “Ki inebí in intau mita inta nogi jubah mita nobudó tanion? Bo namangoi nongkon onda in mosia nion?”