IMAMAT 5:4 - Alkitab Singog In Mongondow Masa In Tanaa

⁴ Aka intau tobatú kotaḷádon sin kino ibo-ibotneadon kon mogaid kon onukabí, bo onda intua ḷagidon kinotaauannea kon noitaḷádon in oaidnea tatua.

IMAMAT 5:4 ပူးပေါင်းရင်းမြစ်များ

SAMUEL 2 21:7

Táe popisí in ki Daud bo ki Yonatan aindon nongongibotan, ki Daud in diábí nobogoi kon i Mepiboset adí i Yonatan.

DATU MITA 2 6:31

Ki datu in nomaḷú, “Singgai doman naa ki Elisa in mustibí matoi. Pobiódon mako ki Allah in mohukum kobogaton totok aka diá ḻimodonku in ki Elisa!”

MAZMUR 106:33

Pinosakí monia in gina-Nea, dá diádon in sia norai bo nosingog.

IMAMAT 5:13

Natuata in pogogaid i imang kon moposumba in kuruban mobaḻí tobutan in dosa intau tatua, dá intau tatua in ampungandon i Tuhan. Kiagat in topong tatua in nobaḻídon silai i imang, ná doman kon kuruban gandum.

IMAMAT 5:3

Aka intau tobatú noitaḷádon takin diá sinuod bo noḻiaidon kon barang monajis inta nongkon intau, táe ḷagidon kinotaauannea kon noitaḷádon in oaidnea tatua.

PINOGIAPAN 30:6

Aka bobay tobatú inta diápa pinobuḷoi nodandi andeka sinumogot kon dandinea, pinomayá munadon irainea kinopira andeka tongábí noipikirmai mako natua, dá sia in noitogotdon kon dandinea tatua. Aka kon singgai moiduduimai in sia pobuḷoiondon, dá sia in umuranpabí noitogot kon dandinea tatua, asaḷbo ki buḷoinea in diá mobogat in gina kon tungkuḷ in nokodongog kon tua.

PINOGIAPAN 30:8

Táe aka kon tungkuḷ in nokodongog in ki buḷoinea bo poḷat nogimaḷow kon inia, dá sia in diá bidon noitogot kon dandinea tatua. Ampunganbí i Tuhan in sia.

MATIUS 14:7

dá ki Herodes in nongibot kon mobogoi in onukabí in igumonnea.

MATIUS 14:9

Nokodongogmai kon inta inigum in adí tatua, norobonoḷ totok in gina i Herodes. Táe lantaran sia nongibotdon muna kon tayowon mokokiangoinea mita, dá pinotabáneadon sinbá duduian in onu in pinoigum in adí tatua.

MARKUS 6:23

Bo ki Herodes nodandi kon adí tatua poḷat nongibot, kainia, “Onukabí in igumonmu yo ogoikubí, modapotkabí in tobotak in dodatuanku tanaa!”

OUMAN IN RASUL MITA 23:12

Doḷo-doḷom nobangon monik, intau mita in Yahudi nomangkoidon nosipun kon intau. Bo mosia in nongibot kon diápabí mopongaa-ngaan andeka moponginu-nginum aka ki Paulus in diápa koḻimodan monia.

YOSUA 2:14

Dá toimata doyowa tatua notubag, “Kami in modandidon kon aka ogoidon i Tuhan in butá tanaa kon i nami, kopiaanbí nami in pogogaid kon i monimu, asaḷ bo diá oumanonmu kon i ineka in kami naa. Kutukonbí i Tuhan in kami aka diá totuuon nami in dandi tatua.”

YOSUA 9:15

Ki Yosua nomia kon dodandian yoyobayatan takin intau mita in Gibeon tatua, bo nodandidon kon i monia kon diábí moḻimod kon i monia. Itoi mita in umat Israel nongibot doman kon mogintompodbí kon dodandian tatua.

HAKIM MITA 11:31

bo mobui in akuoi takin mosaḷamat, dá ki inekabí in muna-munamai ḷumuai nongkon baḷoiku sin motomu kon inakó, yo posumbakudon in sia mobaḻí kuruban tubáan kon i Tuhan.”

HAKIM MITA 21:7

Popisí in kita ain nongibot kon i Tuhan kon kita in diábí motaau mobogoi kon i adí naton bobay pobuḷoion intau in Benyamin, dá onu in pomiaan naton sinbá ki agat intau in Benyamin tanaa mokouḻípa kon buḷoi?”

HAKIM MITA 9:19

Aka oaid monimu singgai in naa kon i amáku bo kon motoḷuadínea notuḻid bo nobayag, dá pobarasanangdon takin i Abimelek, bo biódon mako in sia mobarasanang doman takin i monimu.

SAMUEL 1 1:11

Onda intua ki Hana nodandi, kainia, “O Tuhan Inta Totok in Mokawasa, indoiaipa kaasí in mogogundoi-Mu naa! Indoiaipa in rorigaku. Toropdon in mogogundoi-Mu bo dikapa koḻiongan! Aka ogoian-Mu in adí ḷoḷaki in mogogundoi-Mu naa, yo ogoikubí in sia kon ini-Mu kinoouputbí in kinobiagannea. Dandionku doman kon buoknea in diábí gonsi-gonsingan.”

SAMUEL 1 25:22

Igumon mako ki Allah in moḻimod kon inakó aka diá ḻimodonku komintan in bayongan ḷoḷaki kon tua kon dodai in mata in singgai momukádon!”