IMAMAT 5:10 - Alkitab Singog In Mongondow Masa In Tanaa

¹⁰ Mopaḷut mako kon tua ki imang moposumbadon in ḷagapan inta nogindua mobaḻí kuruban inta tubáan, podudui in atorang. Natuata in pogogaid i imang kon moposumba in kuruban mobaḻí tobutan in dosa intau tatua, dá intau tatua ampungandon i Tuhan.

IMAMAT 5:10 ပူးပေါင်းရင်းမြစ်များ

IMAMAT 4:20

Aidan naonda bo pogogaid kon sosumba sapi koḷakian inta nobaḻí kuruban pongampung kon dosa. Natuata in pogogaid in Imang Moḷoben moposumba in kuruban sin potobut kon dosa mita in umat, dá dosa mita tatua in ampungandon i Tuhan.

IMAMAT 4:26

Onda intua bayongan ḷongó in mahaḷuk tatua musti tubáan kon tudu in mezbah, ná kuruban dodamean. Natuata in pogogaid i imang kon moposumba in kuruban in tobatú bobato, dá intau tatua in ampungan i Tuhan.

IMAMAT 4:31

Bayongan ḷongó in mahaḷuk tatua musti gamáan ná kon kuruban dodamean. Ḷongó tatua musti tubáan in imang kon tudu in mezbah, sinbá ronginginea mokosanang kon gina i Tuhan. Natuata in pogogaid i imang moposumba in kuruban potobut kon dosa in intau biasa tobatú, dá intau tatua in ampungan i Tuhan.

IMAMAT 4:35

Onda intua bayongan ḷongó in mahaḷuk tatua musti gamáan ná kon kuruban dodamean. Ḷongó tatua musti tubáan kon tudu in mezbah, poyotakinon in kuruban kaanon inta posumba kon i Tuhan. Natua in pogogaid i imang kon moposumba in kuruban potobut kon dosa in intau tatua, dá sia in ampungan i Tuhan.

IMAMAT 5:13

Natuata in pogogaid i imang kon moposumba in kuruban mobaḻí tobutan in dosa intau tatua, dá intau tatua in ampungandon i Tuhan. Kiagat in topong tatua in nobaḻídon silai i imang, ná doman kon kuruban gandum.

IMAMAT 5:16

Intau tatua musti moguboḻi kon onu inta koḻipod kinoḻiongannea, bo dugangan in doyowa nopuḷú noporsen. Onda intua sia in musti mobogoi in mahaḷuk tatua kon i imang, bo ki imang in mopokuruban intua mobaḻí tobutan in dosa intau tatua, dá intau tatua ampungandon i Tuhan.

IMAMAT 5:6

Bo inta mobaḻí tontobut in dosanea tatua, dá sia in musti modia kon domba tobatú ande bembé kobaayan sin ogoi kon i Tuhan. Bo ki imang in musti moposumba in kuruban tatua sinbá ampungandon in dosa intau tatua.

SURAT I PAULUS KON JAMAAT RUM 5:11

Bo deemanbí tongá tua, táe moḷungangadon totok in gina naton kon kopopia in gina i Allah inta pinopotonsigad kon i Yesus Kristus ki Tuhan naton. Sin pinongin i Kristus tuata, dá tanaa mako kita mokoalami kon hubungan naton inta mopia takin i Allah.

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.

YAKOBUS 5:15

Aka sambayang monia pinoyaput takin noyakin, yo undamanbí i Tuhan in intau inta notakit tatua, bo ampungan-Nea doman in dosa mita inta ain inaidannea.

YOHANES 1 2:2

Bo pinotonsigad kon i Yesus Kristus tuata, bayongan in dosa naton inampungan. Bo deemanbí doman tongá taḷá naton, táe taḷábí doman in bayongan intau.