IMAMAT 4:6 - Alkitab Singog In Mongondow Masa In Tanaa

⁶ Bo sia in musti mopoḷodok in gongguyamúnea kon bonu in dugú tatua bodongka mopopisik kopitu kon tayowon in toḻipoi inta nopoyotondí in Yuang Motusi.

IMAMAT 4:6 ပူးပေါင်းရင်းမြစ်များ

IḶUAIAN 40:21

Bo Poti tatua pinotuotneadon kon bonu in Ḷoḷaigan tatua bo binambéneadon in kaeng koḷubung kon tayowonnea, ná inta pinarenta i Tuhan kon inia.

IḶUAIAN 40:26

Mezbah buḷawan inukatneadon kon bonu in Ḷoḷaigan, kon tayowon in kaeng,

IMAMAT 14:16

Naonda in mopaḷut mako sia mopoḷodok in gongguyamú in ḻimanea koḷanan kon bonu in ḷana, bo popopisik kopitu kon bonu in Ḷoḷaigan i Tuhan.

IMAMAT 14:18

Ki agat in ḷana tatua musti pobutak kon uḷu in intau tatua. Natuata in pogogaid i imang kon upacara pondaritan kon intau tatua kon tayowon i Tuhan.

IMAMAT 14:27

bo gongguyamú in ḻimanea koḷanan pakéonnea mopopisik in ḷana tatua kopitu kon bonu in Ḷoḷaigan i Tuhan.

IMAMAT 14:7

Pisikan i imang in dugú in ḷagapan tatua kopitu in intau inta ain nopia, bo poniata kon sia tua ain nopia, bo poniata doman kon sia in nodarit. Bo ḷagapan inta nobiagpa tatua musti bayáannea buḻian kon padang gurun.

IMAMAT 16:14

Bo ki Harun musti mogamá kon dugú in sapi topiḻik, bo takin gongguyamúnea tontaní popopisiknea in dugú tatua kon dotá in muna in taḷob in Poti Dodandian bo kopitu doman kon muna in Poti.

IMAMAT 16:19

Musti gongguyamúnea tontaní in pakéonnea mopopisik in dugú topiḻik kopitu kon tudu in mezbah. Natuata in pogogaid ki Harun mondarit kon mezbah nongkon kinonajisan in bangusa Israel, sinbá mobaḻí modarit.

IMAMAT 25:8

Iapdon in pitu bo poyokali in pitu notaong, kobayongnea opat nopuḷú bo siow notaong.

IMAMAT 26:18

Aka naonda in mokouḻí mako kon hukuman tatua bo diápa doman in moiko mokopotoindudui kon i-Nakó, yo hukuman kon i monimu dugangan-Ku in kobogatnea kopitu nongkon tua.

IMAMAT 26:24

dá bouton-Kudon in moiko bo hukumon-Ku in moiko inta kobogat in hukuman tatua kopitu ná inta ain pinopoaid-Ku muna.

IMAMAT 26:28

Dá tumorúdon totok in Akuoi poḷat mosambok kon i monimu, bo mohukum kon i monimu inta kobogat in hukuman tatua in kopitu nongkon ná inta ain pinopoaid-Ku kon i monimu.

IMAMAT 4:17

Kon tua sia musti mopoḷodok in gongguyamúnea kon bonu in dugú tatua bodongka popisiknea kopitu kon tayowon in toḻipoi inta nopoyotondí in Yuang Motusi.

IMAMAT 4:25

Imang musti mopoḷodok in gongguyamúnea kon bonu in dugú in mahaḷuk tatua bodongka poḻeponea kon tungoi mita kon siku in mezbah bo ki agatnea pobutak kon datoḷan in mezbah.

IMAMAT 4:30

Imang musti mopoḷodok in gongguyamúnea kon dugú in mahaḷuk tatua, bodongka popoḻeponea kon tungoi mita inta kon siku in mezbah bo kiagatnea in popobutak kon datoḷan in mezbah.

IMAMAT 4:34

Imang musti mopoḷodok in gongguyamúnea kon dugú in mahaḷuk tatua, bodongka popoḻeponea kon tungoi mita inta kon siku in mezbah, bo kiagatnea in popobutak kon datoḷan in mezbah.

IMAMAT 8:11

Topiḻik nongkon ḷana tatua pinopopisiknea kopitu kon tudu in mezbah bo kon bayongan pakakatnea, bo pinopopisik doman kon tudu in bak bo dodoyonannea. Tua moponiata kon bayongan in yagi-yagi komintandon inogoi kon i Tuhan.

IMAMAT 8:15

Onda in tua iratá i Musa bo dugúnea ibanea in gamáannea. Gongguyamúnea tontaní in pinoḷodoknea kon dugú tatua bodongka poḻeponea kon tungoi mita inta kon siku mita in mezbah, sinbá mezbah tatua tongádon ogoi kon i Allah. Dugú ki agatnea in popobutak kon datoḷan in mezbah. Natuata in mopobaḻí motusi kon mezbah tatua bo tongádon ogoi kon i Tuhan.

IMAMAT 9:9

Ki adí mita i Harun nodia kon dugú in mahaḷuk tatua kon i Harun, bo sia nopoḷodokdon in gongguyamúnea kon dugú tatua, bo poḷat nopoḻepo kon tungoi mita inta kon siku opat in mezbah. Onda intua kiagat in dugú tatua pinopobutakneadon kon datoḷan in mezbah.

PINOGIAPAN 19:4

Bo ki Imang Eleazar musti mogamá kon dugú in bobiagon tatua topiḻik bo popopisiknea kopitu potayow kon Ḷoḷaigan i Tuhan.

YOSUA 6:4

Imang pitu, motukid in torompet, musti mayá kon muna in Poti Dodandian. Kon singgai noginpitu, iko takin tontaramu in musti moḻibu kon kotá tatua kopitu bo kon dodai doman intua imang mita musti mogirup kon torompetnea.

YOSUA 6:8

Pinodudui kon parenta i Yosua, nobuatdon in pipidan pongawal kon muna inumuna kon imang mita inta mogogirup kon torompet, dinuduian in imang mita inta nomotaan kon Poti Dodandian, bo sinimpodan in pipidan pongawal kon tumi. Koyogot in mosia minayá, torompet umuranbí inirup.