IMAMAT 4:30 - Alkitab Singog In Mongondow Masa In Tanaa

³⁰ Imang musti mopoḷodok in gongguyamúnea kon dugú in mahaḷuk tatua, bodongka popoḻeponea kon tungoi mita inta kon siku in mezbah bo kiagatnea in popobutak kon datoḷan in mezbah.

IMAMAT 4:30 ပူးပေါင်းရင်းမြစ်များ

IḶUAIAN 29:12

Pogamádon kon dugú in sapi topiḻik tatua bo paké in gongguyamúmu mopoḻepo kon tungoi mita in mezbah tatua. Ki agat in dugú tatua musti pobutakmu kon ḻimonag in mezbah.

YESAYA 42:21

Ki Tuhan in moibog moposaḷamat; Ibogon-Nea hukum-Nea in horomaton bo untuon.

IMAMAT 4:18

Tongosilai doman in dugú tatua musti poḻepo kon tungoi mita inta kon siku in mezbah pototubáan kon dupa kon bonu in Ḷoḷaigan, bo kiagatnea in musti popobutak kon datoḷan in mezbah tampat in kuruban tubáan inta kon tayowon ngara in Ḷoḷaigan.

IMAMAT 4:25

Imang musti mopoḷodok in gongguyamúnea kon bonu in dugú in mahaḷuk tatua bodongka poḻeponea kon tungoi mita kon siku in mezbah bo ki agatnea pobutak kon datoḷan in mezbah.

IMAMAT 4:34

Imang musti mopoḷodok in gongguyamúnea kon dugú in mahaḷuk tatua, bodongka popoḻeponea kon tungoi mita inta kon siku in mezbah, bo kiagatnea in popobutak kon datoḷan in mezbah.

IMAMAT 4:7

Tongosilai nongkon dugú tatua musti poḻepo kon tungoi mita inta kon siku mita in mezbah in dupa mobondu kon bonu in Ḷoḷaigan, bo kiagatnea kon tua in musti popobutak kon taḷog in mezbah in kuruban tubáan inta kon tayowon in ḷoḻingkop in Ḷoḷaigan.

IMAMAT 5:9

Dugú in ḷagapan tatua musti popopisik kon bingkí mita in mezbah, bo kiagatnea in musti romputon poḷuai kon datoḷan in mezbah mobaḻí kuruban potobut kon dosa.

IMAMAT 8:15

Onda in tua iratá i Musa bo dugúnea ibanea in gamáannea. Gongguyamúnea tontaní in pinoḷodoknea kon dugú tatua bodongka poḻeponea kon tungoi mita inta kon siku mita in mezbah, sinbá mezbah tatua tongádon ogoi kon i Allah. Dugú ki agatnea in popobutak kon datoḷan in mezbah. Natuata in mopobaḻí motusi kon mezbah tatua bo tongádon ogoi kon i Tuhan.

IMAMAT 9:9

Ki adí mita i Harun nodia kon dugú in mahaḷuk tatua kon i Harun, bo sia nopoḷodokdon in gongguyamúnea kon dugú tatua, bo poḷat nopoḻepo kon tungoi mita inta kon siku opat in mezbah. Onda intua kiagat in dugú tatua pinopobutakneadon kon datoḷan in mezbah.

SURAT I PAULUS KON JAMAAT RUM 10:4

Hukum agama in Yahudi ain inintompodan i Kristus. Manangka intua intau inta mopirisaya kon i Kristus, hubungannea takin i Allah in motompiadon bui.

IBRANI 2:10

Totuu kon patus bidon in ki Allah inta nomia kon bayongan in yagi-yagi mopobayá in onu inta imakusud-Nea tontaní. Binaḻí-Nea in ki Yesus mopoposaḷamat inta nosompurna pinodoyon kon daḷan inta totok in moyoyiga. Tua in daya i Allah sinbá mobayong intau in motaau oiníon-Nea mayá in tampat inta mopia totok takin i Yesus. Sin Siabí in nobuká kon daḷan kon i monia sinbá mosia in motaau posaḷamaton.