IMAMAT 4:3 - Alkitab Singog In Mongondow Masa In Tanaa

³ Aka inta dinosa tatua bo Imang Moḷoben, modapot in bangusa Israel in moitakin doman moitaḷá, dá sia musti mopokuruban in sapi koḷakian batánea tobatú inta mopia kon i Tuhan sinbá dosanea ampungandon.

IMAMAT 4:3 ပူးပေါင်းရင်းမြစ်များ

TAWARIKH 2 29:21

Binaḻí kuruban potobut kon dosa in motoḷuadí in datu bo rayat in Yohuda, bo pakéon in mopotusi kon Baḷoi Tuhan, nodia in mosia kon sapi koḷakian pitu, domba koḷakian pitu, ki adí in domba pitu, bo bembé koḷakian pitu. Ki datu in nopotabá kon imang mita buí i Harun noposumba in biag mita tatua kon tudu in mezbah nobaḻí kuruban payongon.

EZRA 8:35

Kon singgai tatua doman, bayongan intau inta ain nobui nongkon pinoḷumbúan tatua, noposumba in kuruban payongon kon i Allah in Israel. Mosia in noposumba in 12 in sapi koḷakian kon kopontingan in bayongan in Israel, 96 in domba koḷakian bo 77 in ki adí in domba; koḻikud intua 12 in bembé sin pokuruban kon pongampungan kon dosa kon i monia tontaní. Bayongan in biag tatua sinubá nobaḻí kuruban kon i Tuhan.

IḶUAIAN 29:14

Tapú, kuḻit bo kompong in sapi koḷakian tatua musti tubáan kon ḷuai in ḷoḷaigan. Tuata in nobaḻí sosumba potobut kon dosa in imang mita.

IḶUAIAN 29:21

Pogamá kon dugú topiḻik inta kon tudu in mezbah bo ḷana topiḻik inta pinaké kon upacara, bo pisikai in ki Harun bo ki adínea mita takin pakeang monia. Natuata in pogogaid sinbá ki Harun bo ki adínea mita takin pakeang monia tongádon pakéon mogaid kon oaidan-Ku.

IḶUAIAN 29:7

Bo gamádon in ḷana pakéon kon upacara, pobutak intua kon uḷunea bo ḷoḷubuai in ḷana in sia.

IḶUAIAN 30:10

Komintan in totaong ki Harun musti mogaid kon upacara pondaritan kon mezbah takin mopopisik kon tungoi opat in dugú in biag inta pinokuruban sin pongampungan kon dosa. Tua in musti pomiaan pomuḷoi in taong dapot kon adí bo ompu. Mezbah tatua musti motusi komintan bo tongábí kon i-Nakó.”

YEHEZKIEL 40:39

Kon yuang moḷoben tatua, oyúon in meja opat, tododoyowa kon batúan in sínea. Kon tudu in meja mita tatuata ratáan in mahaḷuk inta baḻíon kuruban payongon, andeka kuruban potobut kon dosa andeka kuruban toḻiu in karugian.

YEHEZKIEL 43:19

Tongábí imang buí i Zadok nongkon suku Lewi in motaau mamangoi in tayowon-Ku sin mopobayá in oaidan pogundoian. Akuoi, ki Tuhan Inta Totok in moḷantud in nomarenta nokiaid intua. Ogoidon kon i monia in sapi koḷakian tobatú inta batáneapa sin pokuruban potobut kon dosa.

YEHEZKIEL 44:27

bodongka mayá in dangkuḷon kon bonu in Baḷoi-Ku, bo moposumba in kuruban sin pondarit kon awaknea sinbá motaaudon bui in sia mopobayá in oaidan kon Baḷoi-Ku, Akuoi, ki Tuhan Inta Totok in moḷantud ain nosingog.

IMAMAT 1:10

Aka inta pinosumba tatua bo domba tobatú ande bembé, dá biag tatua musti koḷakian bo inta totok in mopia.

IMAMAT 1:3

Aka inta pinosumbanea tua bo sapi tobatú, dá biag tatua in musti koḷakian bo inta mopia totok. Sapi tatua musti diaannea pobayá in ngara in Ḷoḷaigan i Tuhan, sinbá koibog i Tuhan in intau tatua.

IMAMAT 16:11

Naonda in ki Harun moposumba bo moratá kon sapi koḷakian inta nobaḻí kuruban potobut kon dosanea bo tombonu in baḷoinea,

IMAMAT 16:3

Ki Harun motaau tumuot kon bonu in Yuang Totok Motusi aka sia moposumba in sapi koḷakian batánea mobaḻí kuruban potobut kon dosa bo domba koḷakian tobatú baḻíon kuruban tubáan.”

IMAMAT 16:5

Bo umat in Israel musti mobogoi in kon i Harun in bembé koḷakian doyowa inta pakéon kuruban potobut kon dosa bo inta bo domba koḷakian tobatú in pakéon kuruban tubáan.

IMAMAT 16:6

Ki Harun musti moposumba in sapi koḷakian tobatú mobaḻí kuruban potobut kon dosa kon inia bo kon tombonu in baḷoinea.

IMAMAT 4:14

dá naonda in ḷagidon kinotaauan in dosa tatua, yo umat in musti modia kon sapi koḷakian tobatú inta batáneapa kon tayowon in Ḷoḷaigan i Tuhan. Mahaḷuk tatua musti posumba mobaḻí kuruban pongampung kon dosa.

IMAMAT 4:23

dá naonda in kotaauanneadon ḷagidon in sia mopokuruban in bembé koḷakian inta mopia totok sin pongampung kon dosanea.

IMAMAT 4:28

dá naonda in kinotaauanneadon, yo sia in mustibí mopokuruban in bembé kobaayan tobatú inta totok in mopia.

IMAMAT 4:5

Tongosilai in dugúnea musti diaannea tumuot kon bonu in Ḷoḷaigan.

IMAMAT 5:6

Bo inta mobaḻí tontobut in dosanea tatua, dá sia in musti modia kon domba tobatú ande bembé kobaayan sin ogoi kon i Tuhan. Bo ki imang in musti moposumba in kuruban tatua sinbá ampungandon in dosa intau tatua.

IMAMAT 6:18

Bayongan in ḷoḷaki nongkon buí i Harun musti mokaan kon tua; tua in nobaḻí atorang mononoi kon i monimu dapot kon adí bo ompumu; tuata in nobaḻí silai monia nongkon kaanon inta ain pinosumba kon i Tuhan. Intau ibanea inta moḻiai kon kaanon inta ain pinokuruban tatua, in mobodito sin popisí in kototusinea.

IMAMAT 8:12

Nopaḷut mako kon tua ki Musa nomaḻídon imang kon i Harun takin nopobutak in ḷana upacara topiḻik kon uḷu i Harun.

IMAMAT 9:2

Guman i Musa kon i Harun, “Pogamádon kon sapi koḷakian batánea tobatú bo domba koḷakian tobatú, tumpaḷa mongopia. Posumbadon in mahaḷuk doyowa tatua kon i Tuhan, sapi koḷakian in posumba mobaḻí kuruban potobut kon dosa, bo domba koḷakian in kuruban tubáan.

IMAMAT 9:3

Bo potabádon in bangusa Israel moposumba in bembé koḷakian tobatú mobaḻí kuruban potobut kon dosa bo ki adí in sapi tobatú takin ki adí in domba tobatú inta tumpaḷa umurdon totaong bo inta mongopia sin baḻíon kuruban tubáan.

PINOGIAPAN 16:22

Táe ki Musa bo ki Harun dinumokó nosumba bo noguman, “O Allah, Ikobí in nobogoi in kobiagan kon bayongan inta nobiag. Aka tongá tobatú in intau in binaradosa, yo degá Iko in tumorú domandon kon bayongan umat?”

PINOGIAPAN 8:8

Bo pokigamáaidon in sapi koḷakian tobatú inta batáneapa takin kuruban oḷudon nongkon topong inta binauian in ḷana. Bo iko musti mogamá kon sapi koḷakian tobatú ibanea sin baḻíon kuruban potobut kon dosa.

SURAT I PAULUS KON JAMAAT RUM 8:3

Onu inta diá koaidan in hukum agama, sin kita intau ilo-ilow, yo tua ain inaidan i Allah. Ki Allah ain nonaḷow kon kawasa in dosa nongkon tabiat in intau takin aid nopotabá mangoi kon i Adí-Nea tontaní, inta namangoi ná kaadaan in intau baradosa, sin momopat kon dosa.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

IBRANI 5:3

Lantaran sia bo nobayongpa doman in kalemahannea dá mustibí doman sia mobogoi in kuruban, bo kuruban tatua in deemanbí tongá potobut kon dosa mita in umat i Allah, táe dosaneabí doman tontaní.

IBRANI 9:12

Ki Kristus in sinumuot kon Yuang Totok in Motusi kon ḷoḷaigan tatua tongábí komintan, diá bidon mopobui-buimai. Dodai intua Sia in diábí nodia kon dugú in bembé koḷakian andeka dugú adí in sapi sin posumba, táe dugú-Neabí tontaní in dinia-Nea. Bo dugú-Neabí tatua in nopobebas kon i naton dapot in kopaḷutannea.