IMAMAT 4:23 - Alkitab Singog In Mongondow Masa In Tanaa

²³ dá naonda in kotaauanneadon ḷagidon in sia mopokuruban in bembé koḷakian inta mopia totok sin pongampung kon dosanea.

IMAMAT 4:23 ပူးပေါင်းရင်းမြစ်များ

MAZMUR 90:8

Inukat-Mu in taḷá nami kon tayowon-Mu, dosa nami inta noiadop inontong-Mu.

YEHEZKIEL 43:22

Mopoikoḷomai kon singgai iko in musti moposumba in bembé koḷakian tobatú inta diá in bogitnea mobaḻí kuruban potobut kon dosa. Potusidon in mezbah tatua takin dugú in bembé, ná pinogogaidmu kon dugú in sapi koḷakian batánea tatua.

IMAMAT 1:3

Aka inta pinosumbanea tua bo sapi tobatú, dá biag tatua in musti koḷakian bo inta mopia totok. Sapi tatua musti diaannea pobayá in ngara in Ḷoḷaigan i Tuhan, sinbá koibog i Tuhan in intau tatua.

IMAMAT 23:19

Posumba domandon in bembé koḷakian tobatú mobaḻí kuruban potobut kon dosa bo domba koḷakian doyowa inta umur totaong mobaḻí kuruban dodamean.

IMAMAT 4:14

dá naonda in ḷagidon kinotaauan in dosa tatua, yo umat in musti modia kon sapi koḷakian tobatú inta batáneapa kon tayowon in Ḷoḷaigan i Tuhan. Mahaḷuk tatua musti posumba mobaḻí kuruban pongampung kon dosa.

IMAMAT 4:24

Sia in musti mopotudu in ḻimanea kon uḷu in mahaḷuk tatua, bodongka ratáan kon dotá in utuan mezbah, tampat pororataan kon kuruban inta tubáan.

IMAMAT 4:28

dá naonda in kinotaauanneadon, yo sia in mustibí mopokuruban in bembé kobaayan tobatú inta totok in mopia.

IMAMAT 4:3

Aka inta dinosa tatua bo Imang Moḷoben, modapot in bangusa Israel in moitakin doman moitaḷá, dá sia musti mopokuruban in sapi koḷakian batánea tobatú inta mopia kon i Tuhan sinbá dosanea ampungandon.

IMAMAT 5:4

Aka intau tobatú kotaḷádon sin kino ibo-ibotneadon kon mogaid kon onukabí, bo onda intua ḷagidon kinotaauannea kon noitaḷádon in oaidnea tatua.

IMAMAT 9:3

Bo potabádon in bangusa Israel moposumba in bembé koḷakian tobatú mobaḻí kuruban potobut kon dosa bo ki adí in sapi tobatú takin ki adí in domba tobatú inta tumpaḷa umurdon totaong bo inta mongopia sin baḻíon kuruban tubáan.

PINOGIAPAN 28:15

Mobaḻí indugang in kuruban payongon muḷoi in singgai takin kuruban tubig in anggurnea, yo musti doman posumba monimu in bembé koḷakian tobatú sin baḻíon kuruban potobut kon dosa.

PINOGIAPAN 28:30

Posumba domandon in bembé koḷakian tobatú sin baḻíon kuruban potobut kon dosa. Natuata in pogogaid monimu kon upacara potobutan kon dosa in umat.

PINOGIAPAN 29:11

Posumba domandon in bembé koḷakian tobatú kon upacara potobutan kon dosa in umat, koḻikud in kuruban potobutan kon dosa bo kuruban payongon muḷoi in singgai takin kuruban oḷudon bo kuruban tubig in anggurnea inta pinosumba singgai tua.

PINOGIAPAN 29:16

Koḻikud intua posumba doman in bembé tobatú koḷakian sin baḻíon kuruban potobut kon dosa. Kuruban tatua in nobaḻí indugang in kuruban payongon muḷoi in singgai takin kuruban oḷudon bo kuruban tubig in anggurnea.

PINOGIAPAN 29:5

Posumba domandon in ki adí in bembé koḷakian tobatú sin baḻíon kuruban potobut kon dosa. Natuata in pogogaid monimu kon upacara potobutan kon dosa in umat.

SURAT I PAULUS KON JAMAAT RUM 8:3

Onu inta diá koaidan in hukum agama, sin kita intau ilo-ilow, yo tua ain inaidan i Allah. Ki Allah ain nonaḷow kon kawasa in dosa nongkon tabiat in intau takin aid nopotabá mangoi kon i Adí-Nea tontaní, inta namangoi ná kaadaan in intau baradosa, sin momopat kon dosa.