IMAMAT 4:19 - Alkitab Singog In Mongondow Masa In Tanaa

¹⁹ Bayongan ḷongó in mahaḷuk tatua musti gamáan bo tubáan kon tudu in mezbah.

IMAMAT 4:19 ပူးပေါင်းရင်းမြစ်များ

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

IMAMAT 12:8

Aka bobay tatua diá mokopooyúon kon ki adí in domba tobatú, dá sia in mustidon modia kon ḷagapan paḷoma doyowa inta noguodpa ande ḷagapan tarangkuku inta moḻineapa doman: tobatú in aidan kuruban tubáan bo inta tobatú in aidan kuruban potobut kon dosa. Imang musti mogaid kon upacara pondaritan kon inta monajis kon bobay tatua, dá bobay tatua in modaritdon.

IMAMAT 14:18

Ki agat in ḷana tatua musti pobutak kon uḷu in intau tatua. Natuata in pogogaid i imang kon upacara pondaritan kon intau tatua kon tayowon i Tuhan.

IMAMAT 4:26

Onda intua bayongan ḷongó in mahaḷuk tatua musti tubáan kon tudu in mezbah, ná kuruban dodamean. Natuata in pogogaid i imang kon moposumba in kuruban in tobatú bobato, dá intau tatua in ampungan i Tuhan.

IMAMAT 4:31

Bayongan ḷongó in mahaḷuk tatua musti gamáan ná kon kuruban dodamean. Ḷongó tatua musti tubáan in imang kon tudu in mezbah, sinbá ronginginea mokosanang kon gina i Tuhan. Natuata in pogogaid i imang moposumba in kuruban potobut kon dosa in intau biasa tobatú, dá intau tatua in ampungan i Tuhan.

IMAMAT 4:35

Onda intua bayongan ḷongó in mahaḷuk tatua musti gamáan ná kon kuruban dodamean. Ḷongó tatua musti tubáan kon tudu in mezbah, poyotakinon in kuruban kaanon inta posumba kon i Tuhan. Natua in pogogaid i imang kon moposumba in kuruban potobut kon dosa in intau tatua, dá sia in ampungan i Tuhan.

IMAMAT 5:6

Bo inta mobaḻí tontobut in dosanea tatua, dá sia in musti modia kon domba tobatú ande bembé kobaayan sin ogoi kon i Tuhan. Bo ki imang in musti moposumba in kuruban tatua sinbá ampungandon in dosa intau tatua.

IMAMAT 6:7

Ki imang mopokuruban intua potobut kon dosa intau tatua, dá intau tatua in ampungandon i Tuhan.

PINOGIAPAN 15:25

Bo imang musti mogaid kon upacara potobutan kon dosa in umat. Dá ampungan in taḷá monia inta diá sinuod inaidan monia, bo popisí in mosia ain nodia kon kuruban potobut kon dosa bo kuruban payongon kon i Tuhan.

IBRANI 1:3

Sia doman naa in moponiata in kamuliaan i Allah inta diá in poḻiuan tua. Bo noniatadon totok kon i-Nia in rupa i Allah tontaní. Singog-Nea inta mokawasa totok tua in pinaké-Nea moḷukad kon dunia naa. Bo naonda in sinobut-Neadon in dosa mita in intau, iḻimitúdon in Sia kon ḷoḻitúan pomomarentaan kon soroga moyotakin i Allah Pongawasa inta totok in moḷantud.

IBRANI 9:14

Dá aka dugú bo ḷobud mokodarit kon onu inta nokotor kon intau mita tatua, yo bambíkabí dugú i Kristus! Pinongin Roho inta diá mato-matoi, ki Kristus ain noposumba in awak-Nea tontaní kon i Allah saḷaku kuruban inta nosompurna. Tuabí in nondarit kon gina naton nongkon upacara mita inta diá in baragunanea, sinbá kita umuran mosumba kon i Allah inta nobiag.