IMAMAT 4:11 - Alkitab Singog In Mongondow Masa In Tanaa

¹¹ Táe tapú in sapi tatua, kuḻitnea, uḷunea, sioḷnea, bonu in sian kiagatnea kon tua moigapí doman in kompongnea,

IMAMAT 4:11 ပူးပေါင်းရင်းမြစ်များ

MAZMUR 103:12

Ná kinoyoyayú in pomukaan kon toyopan, natua in kinoyoyayú in pinoḷumbúan-Nea kon dosa mita naton.

IḶUAIAN 29:14

Tapú, kuḻit bo kompong in sapi koḷakian tatua musti tubáan kon ḷuai in ḷoḷaigan. Tuata in nobaḻí sosumba potobut kon dosa in imang mita.

IMAMAT 16:27

Sapi koḷakian bo bembé inta pinokuruban potobut kon dosa, inta dugúnea dinia sinumuot kon bonu in Yuang Totok Motusi sin potobut kon dosa, musti diaan poḷuai kon ḷoḷaigan bo tubáan. Kuḻit, tapú bo bonu in sian mahaḷuk doyowa tatua musti tubáan kopayongon.

IMAMAT 4:10

Tua komintan musti tubáannea ná kuruban dodamean.

IMAMAT 4:21

Onda intua sapi koḷakian tatua musti diaan kon ḷuai, bo tubáan kon ḷuai in ḷoḷaigan, ná inta kon sosumba sapi koḷakian inta binaḻí kuruban pongampung kon dosa in Imang Moḷoben tua. Natuata in moposumba in kuruban pongampung kon dosa in umat.

IMAMAT 6:30

Mahaḷuk inta pinaké kon upacara potobutan kon dosa inta ginamá in dugúnea ibanea bo dinia kon Yuang Motusi, mustibí tubáan kopayongon bo diábí motaau in kaanon.

PINOGIAPAN 19:3

Ogoidon in sapi tatua kon i Imang Eleazar. Biag tatua in musti diaan kon ḷuai in pinononḷoḷaigan bodongka ratáan kon tayowon i imang.

PINOGIAPAN 19:5

Bayongan bobiagon tatua, takin kuḻit, tapú, dugú bo bonu in awaknea, musti payongon kon tayowon i imang.