IMAMAT 3:7 - Alkitab Singog In Mongondow Masa In Tanaa

⁷ Aka intau tobatú moposumba in domba tobatú, yo musti diaannea intua kon Ḷoḷaigan i Tuhan.

IMAMAT 3:7 ပူးပေါင်းရင်းမြစ်များ

DATU MITA IMITÁNEA 8:62

Nopaḷut mako kon tua ki Datu Salomo bo bayongan in intau inta nosipun kon tua noposumba in kuruban kon i Tuhan.

IMAMAT 3:1

Aka oyúon intau moposumba in sapi koḷakian tobatú sin pomiaan kuruban dodamean, dá sapi tatua motaaubí in koḷakian bo motaau doman in kobaayan, táe musti inta mopia totok.

PINOGIAPAN 15:4

Ki ine in moposumba in domba andeka bembé sin baḻíon kuruban payongon kon i Tuhan, yo musti doman modia poyotakinon in batúan in bobiagon tatua in tumongo kilo in topong inta binauian in ḷana zaitun toliter sin pomiaan kuruban inta oḷudon, bo toliter doman in tubig in anggur.

PINOGIAPAN 28:4

tobatú in baḻíon sosumba doḷo-doḷom, bo inta tobatú in baḻíon sosumba ḷoḷabungnea.

EPESUS 5:12

Sin onu inta inaidan monia inta inumuni-uni tua, umpaka tongá ouman yo mokooyádon.)

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.

IBRANI 9:14

Dá aka dugú bo ḷobud mokodarit kon onu inta nokotor kon intau mita tatua, yo bambíkabí dugú i Kristus! Pinongin Roho inta diá mato-matoi, ki Kristus ain noposumba in awak-Nea tontaní kon i Allah saḷaku kuruban inta nosompurna. Tuabí in nondarit kon gina naton nongkon upacara mita inta diá in baragunanea, sinbá kita umuran mosumba kon i Allah inta nobiag.